അലഞ്ഞ് തിരിഞ്ഞ് നടന്ന് ഭക്ഷണം കഴിക്കുന്ന ആളായത് കൊണ്ടാണ് വ്ളോഗിന് വാണ്ടറിംഗ് ഫൂഡീ എന്ന് പേരിട്ടതെന്ന് വ്ളോഗര് ഷൈന് ദ എഡിറ്റോറിയലിന്റെ ദിസ് ഈസ് മൈ സ്റ്റോറിയില്.
വ്ളോഗിന് എന്ത് പേരിടും എന്ന് ആലോചിച്ചപ്പോള് നമ്മുടെ കൈയ്യില് ഉള്ളത് തന്നെ പേരായി ഇടാന് തീരുമാനിക്കുകയായിരുന്നു. ഞാന് ഇങ്ങനെ തന്നെയാണ്. അലഞ്ഞ് തിരിഞ്ഞ് നടന്ന് ഫുഡ് കഴിക്കുന്ന ആളാണ്. അതുകൊണ്ട് അങ്ങനെ പേരിട്ടു.
പഠിക്കുന്ന കാലത്തായാലും യാത്ര ചെയ്യലും ഭക്ഷണം കഴിക്കലുമാണ് പ്രധാനം. ദുബായില് പാല് വിതരണം ചെയ്താണ് തുടക്കം. ചെറിയൊരു കമ്പനിയില് പിന്നീട് പടി പടിയായി ഉയര്ന്ന് വന്നതാണെന്നും കഷ്ടപ്പാട് ഒക്കെ അത്യാവശ്യം അറിഞ്ഞിട്ടുണ്ടെന്നും ഷൈന് അഭിമുഖത്തില് പറയുന്നു.
2016 മുതലാണ് ഇന്സ്റ്റഗ്രാമില് ഫുഡിന്റെ ഫോട്ടോ ഒക്കെ ഇടാന് തുടങ്ങിയത്. 2018ലാണ് വാണ്ടറിംഗ് ഫുഡീ എന്ന പേരിലേക്ക് മാറുന്നത്. എങ്ങനെയാണ് ഫുഡ് വ്ളോഗിംഗ് സീരിയസ് ആയി കണ്ടു തുടങ്ങിയ നിമിഷത്തെക്കുറിച്ചെല്ലാം ഷൈന് അഭിമുഖത്തില് എഡിറ്റോറിയലിനോട് പങ്കുവെക്കുന്നു.