അബുദാബി: അതിവേഗ പാതകളിൽ വേഗം കുറച്ച് വാഹനമോടിക്കുന്നവർക്ക് ഏർപ്പെടുത്തിയിരിക്കുന്ന പിഴ സംവിധാനം ഇന്ന് മുതൽ പ്രാബല്യത്തിൽ. 400 ദിർഹമാണ് പിഴയായി ഈടാക്കുക. ഷെയ്ഖ് മുഹമ്മദ് ബിൻ റാഷിദ് റോഡിലാണ് പുതിയ നിയമം നടപ്പിലാക്കുന്നത്. മണിക്കൂറിൽ 140 കിലോ മീറ്ററാണ് ഇവിടുത്തെ വേഗത. കുറഞ്ഞ വേഗപരിധിയായ 120 കി.മി താഴെ വേഗതയിൽ വാഹനമോടിച്ചാലാണ് പിഴ തുക ഈടാക്കുക.
വേഗം കുറച്ച് വാഹനമോടിക്കുന്നവർ വലത് വശത്തെ പ്രത്യേക ലൈനിലൂടെ പോകണമെന്നും അധികൃതർ നിർദേശിച്ചു. നേരത്തെ അറിച്ച പ്രകാരം ഇന്ന് മുതൽ നിയമലംഘകർക്കെതിരെ പിഴ ചുമത്തുമെന്ന് അധികൃതർ അറിയിച്ചു