ലോക്സഭ തെരഞ്ഞെടുപ്പിലെ സ്ഥാനാര്ത്ഥി നിര്ണയത്തിനായി സംസ്ഥാന സിപിഎം സെക്രട്ടറിയേറ്റ് യോഗം ഇന്ന് ചേരും. പ്രമുഖരും വനിതകളും പുതുമുഖങ്ങളും ഇത്തവണ മത്സരത്തിനിറങ്ങുമെന്നാണ് കരുതുന്നത്. കഴിഞ്ഞവര്ഷത്തെ ഇടതുപക്ഷത്തിനുണ്ടായ പരാജയത്തെ മറികടക്കാനുള്ള ശ്രമത്തിലാണ് പാര്ട്ടി.
കൊല്ലത്ത് മുകേഷിന്റെയും സിഎസ് സുജാതയുടെയും പേരുകള് പരിഗണനയിലുണ്ടെന്നാണ് വിവരം. പത്തനംതിട്ടയില് ഡോ തോമസ് ഐസക്കിന്റെ പേരാണ് സജീവ പരിഗണനയിലുള്ളത്. ആലപ്പുഴയില് എംപി എ എം ആരിഫ് തന്നെ മത്സരിച്ചേക്കും. ചാലക്കുടിയില് മുന് മന്ത്രി സി രവീന്ദ്ര നാഥിന്റെ പേരും ആലത്തൂരില് എ കെ ബാലന്റെ പേരും ഉയര്ന്ന് കേള്ക്കുന്നുണ്ട്.
വടകരയില് കെ കെ ശൈലജയുടെ പേരും മുന് എംഎല്എ പ്രദീപ്കുമാറിന്റെ പേരും പരഗണനയിലുണ്ടെന്നാണ് റിപ്പോര്ട്ട്.
കോഴിക്കോട് എളമരം കരീമിന്റെ പേരും കാസര്ഗോഡ് ടിവി രാജേഷിന്റെയോ വിപിപി മുസ്തഫയുടെ പേരുകളും പരിഗണിക്കുന്നുണ്ട്. കെ കെ ശൈലജയുടെ പേര് കണ്ണൂരിലേക്കും പരിഗണിക്കുന്നതായും റിപ്പോര്ട്ട് ഉണ്ട്.
കേന്ദ്ര നേതൃത്വത്തിന്റെ അംഗീകാരത്തോടെയാകും സ്ഥാനാര്ത്ഥി പ്രഖ്യാപനം നടത്തുക. കഴിഞ്ഞ തവണ ഒരു സീറ്റില് മാത്രമാണ് എല്ഡിഎഫിന് വിജയിക്കാനായത്. ഈ തരിച്ചടിയെ മറികടക്കാനുള്ള ശ്രമത്തിലാണ് ഇടതുപക്ഷം.