കെഎംസിസി ആസ്ഥാന നിർമ്മാണത്തിനായ് റാഷിദിയിൽ ഒന്നര ഏക്കർ ഭൂമി നല്കി ദുബായ് സർക്കാർ. ഭൂമി ഏറ്റുവാങ്ങുന്നതിനുള്ള ധാരണാപത്രത്തിൽ കെഎംസിസി ഡയറക്ടർ ബോർഡ് അംഗങ്ങൾ ഒപ്പുവച്ചു. ഓഡിറ്റോറിയവും ആസ്ഥാന മന്ദിരവും ഇവിടെ ഒരുക്കും. എം.എ.യൂസഫലിയുടെ ഇടപെടൽ കൊണ്ടാണ് ഭൂമി ലഭിച്ചതെന്നു കെഎംസിസി അധികൃതർ പറഞ്ഞു.
നിലവിൽ അബു ഹെയിലിലെ വാടക കെട്ടിടത്തിലാണ് കെഎംസിസിയുടെ പ്രവർത്തനം. സംഘടനകൾക്കു പ്രവർത്തന അനുമതിയില്ലാത്ത ദുബായിൽ സർക്കാരിന്റെ കമ്യൂണിറ്റി ഡവലപ്മെന്റ് അതോറിറ്റിയുടെ അംഗീകാരത്തോടെ പ്രവർത്തിക്കുന്ന സംഘടനയാണു കെഎംസിസി. കോവിഡ് പ്രതിസന്ധി കാലത്ത് നിരവധിപേർക്ക് സഹായമെത്തിച്ചും കെഎംസിസി മാതൃകയായിരുന്നു.