ദുബായിലെത്തിയ ഭാര്യ എയര്പോര്ട്ടില് വെച്ച് കുഞ്ഞിനെ തന്നെ ഏല്പ്പിച്ച് സുഹൃത്തിനൊപ്പം പോവുകയായിരുന്നു. ബാച്ചിലേഴ്സിന്റെ റൂമിലാണ് താമസിക്കുന്നത്. ഒരു പെണ്കുട്ടിയെ എങ്ങനെയാണ് താന് ഒറ്റയ്ക്ക് നോക്കുകയെന്നാണ് നാദാപുരം സ്വദേശി ഷെരീഫ് ചോദിക്കുന്നത്.
വിമാനതാവളത്തില് സ്വീകരിക്കാനെത്തിയ ഭര്ത്താവിന്റെ കൈയ്യില് രണ്ടര വയസുള്ള മകളെ ഏല്പ്പിച്ച് ഭാര്യ സുഹൃത്തിനൊപ്പം പോവുകയായിരുന്നു.
രണ്ട് മാസം മുമ്പെ ഭാര്യയുടെ ഉമ്മ തന്നെ തന്നെ വിളിച്ച് പറയുകയായിരുന്നു ഭാര്യയ്ക്ക് മറ്റൊരു ബന്ധമുണ്ടെന്ന്. ഇതിന് പിന്നാലെ നാട്ടില് ചെന്നപ്പോള് ഭാര്യയുമായും അവരുടെ സുഹൃത്തുമായും സംസാരിച്ചു. തനിക്ക് ഒരു കുഞ്ഞുള്ളതാണെന്നും ഇതില് നിന്നും പിന്മാറണമെന്നും താന് പറഞ്ഞതാണെന്നും ഷെരീഫ് പറഞ്ഞു. വാണിമേല് സ്വദേശി ഫയാസിനൊപ്പമാണ് ഭാര്യ പോയതെന്നും ഷെരീഫ് പറയുന്നു.
ദുബായിക്ക് വരാന് പാസ്പോര്ട്ട് ഭാര്യതന്നെ എടുക്കുകയായിരുന്നു. ദുബായ്ക്ക് വരുമ്പോള് അവളുടെ അച്ഛന് തന്നെയാണ് വിളിച്ച് പറഞ്ഞത്. കുട്ടിയുടെ പാസ്പോര്ട്ട് ഭാര്യ തന്നില്ലെന്നും അതിനാല് കുഞ്ഞിനെ തിരികെ അയക്കാന് സാധിക്കില്ലെന്നും ഷെരീഫ് പറയുന്നു. ദുബായില് ഹോട്ടല് ജീവനക്കാരനാണ് ഷെരീഫ്.