ഇന്ത്യയിൽ നടക്കാനിരിക്കുന്ന ജി 20 രാജ്യങ്ങളുടെ ഉച്ചകോടിയിൽ യു എ ഇ അഥിതി രാജ്യമായി പങ്കെടുക്കും. ലോകരാജ്യങ്ങളുടെ കൂട്ടായ്മയാണ് ജി 20. 2023 സെപ്റ്റംബർ ഒൻപത്, പത്ത് തിയതികളിലായി ഡൽഹിയിൽ വച്ചാണ് ഉച്ചകോടി നടക്കുന്നത്. 2022 ഡിസംബർ മുതൽ 2023 നവംബർ വരെ ഇന്ത്യ ജി 20 ഉച്ചകോടിയുടെ അധ്യക്ഷസ്ഥാനം അലങ്കരിക്കും. ഇന്ത്യയ്ക്കു ശേഷം ബ്രസീലിനായിരിക്കും അധ്യക്ഷ സ്ഥാനം ലഭിക്കുന്നത്.
ബംഗ്ലാദേശ്, മൊറീഷ്യസ്, ഈജിപ്ത്, നെതർലാൻഡ്, ഒമാൻ, നൈജീരിയ, സിങ്കപ്പൂർ, സ്പെയിൻ എന്നീ രാജ്യങ്ങളും അതിഥി രാജ്യങ്ങളായെത്തും. യു എസ്, യു കെ, അർജന്റീന, ബ്രസീൽ, കാനഡ, ഓസ്ട്രേലിയ, ചൈന, ഇറ്റലി, ജർമ്മനി, ഇൻഡോനീഷ്യ, ഫ്രാൻസ്, റഷ്യ, ദക്ഷിണകൊറിയ, ദക്ഷിണാഫ്രിക്ക ജപ്പാൻ, മെക്സിക്കോ, തുർക്കി, യൂറോപ്യൻ യൂണിയൻ, സൗദി അറേബ്യ എന്നീ രാജ്യങ്ങളാണ് ഉച്ചകോടിയിൽ പങ്കെടുക്കുന്ന മറ്റു രാജ്യങ്ങൾ. യുഎൻ, ഐഎംഎഫ്, ലോകബാങ്ക്, ലോകാരോഗ്യ സംഘടന, രാജ്യാന്തര തൊഴിൽ ഓർഗനൈസേഷൻ തുടങ്ങിയ വിവിധ സംഘടനകളെയും ജി20 യോഗത്തിലേക്കു ക്ഷണിക്കാറുണ്ട്.
സാമ്പത്തിക നയം, കൃഷി, സംസ്കാരം, അടിസ്ഥാന സൗകര്യം, നിയമ നിർമാണം, തൊഴിൽ തുടങ്ങി വിവിധ മേഖലകളിലായൺ സമ്മേളനങ്ങൾ നടക്കുക . സുസ്ഥിര വളർച്ച, പരിസ്ഥിതി ജീവിത ശൈലി, വനിതാ ശാക്തീകരണം, ഡിജിറ്റൽ പബ്ലിക് ഇൻഫ്രാസ്ട്രക്ചർ, ആരോഗ്യം, കൃഷി, വിദ്യാഭ്യാസം, വാണിജ്യം വരെയുമുള്ള മേഖലകളിലെ സാങ്കേതിക പുരോഗതി, നൈപുണ്യ വികസനം, സാംസ്കാരികം, ടൂറിസം, കാലാവസ്ഥാ വ്യതിയാനം, സാമ്പത്തിക കുറ്റകൃത്യങ്ങൾ തടയൽ മുതൽ വിവിധ മേഖലകളുമായി ബന്ധപ്പെട്ടതായിരിക്കും സമ്മേളനങ്ങൾ.