വീട്ടില് നിന്നുള്ള സമ്മര്ദ്ദം കൊണ്ടാണ് ദുബായിലേക്ക് പോരുന്നതെന്ന് നടനും അവതാരകനുമായ മിഥുന് രമേശ്. സീരിയലില് ജോലി ചെയ്യുമ്പോള് കൃത്യമായി വരുമാനം വരുമായിരുന്നു. എന്നാല് സീരിയല് നിര്ത്തിയപ്പോള് വരുമാനം നിന്നു. സിനിമ കളിച്ച് ജീവിതം കളയുമെന്ന് കരുതുമ്പോള് ആണ് ഈ ഓഫര് വരുന്നത്. ആറ് മാസം ദുബായില് നിന്ന് തിരിച്ച് പോരാം എന്നാണ് കരുതിയിരുന്നത് എന്നാല് 20-ാമത്തെ വര്ഷമാണ് ഇപ്പോല് ദുബായില് നില്ക്കുന്നതെന്നും മിഥുന് എഡിറ്റോറിയലിന് നല്കിയ അഭിമുഖത്തില് പറഞ്ഞു.
അച്ഛന് പൊലീസുകാരനായിരുന്നു. അച്ഛന് മരിച്ചതിന് പിന്നാലെയാണ് പൊലീസില് ജോലി കിട്ടിയത്. ഞാന് ഐജി ഓഫീസിലായിരുന്നു. പോസ്റ്റിംഗ് കിട്ടിയതും അതേ ഡൈയിംഗ് ഹാര്നെസ് ഡിപാര്ട്ട്മെന്റില് തന്നെയായിരുന്നു.പൊലീസ് സര്വീസില് ചേര്ന്ന് ഒരു ദിവസം മാത്രമേ അവിടെ ജോലി ചെയ്തുള്ളുവെന്നും പിന്നെ ലീവെടുത്ത് പോരുകയായിരുന്നുവെന്നും മിഥുന് പറഞ്ഞു.
വീട്ടില് നിന്നുള്ള സമ്മര്ദ്ദം കൊണ്ടാണ് ദുബായിലേക്ക് പോരുന്നത്. സീരിയലില് ജോലി ചെയ്യുമ്പോള് കൃത്യമായി വരുമാനം വരുമായിരുന്നു. എന്നാല് സീരിയല് നിര്ത്തിയപ്പോള് വരുമാനം നിന്നു. സിനിമ കളിച്ച് ജീവിതം കളയുമെന്ന് വീട്ടുകാര് കരുതിയിരിക്കുമ്പോള് ആണ് ഈ ഓഫര് വരുന്നത്. ആറ് മാസം ദുബായില് നിന്ന് തിരിച്ച് പോരാം എന്നാണ് കരുതിയിരുന്നത്.
സാമ്പത്തികമായി ഒരു ഭദ്രത ഉണ്ടാക്കാന് ദുബായ് സഹായിച്ചു. ഇവിടെ വന്നതുകൊണ്ടാണ് കുറേ അംഗീകാരങ്ങള് കിട്ടിയതെന്ന് കരുതുന്നുണ്ട്. ദുബായില് ഇപ്പോള് 20-ാമത്തെ വര്ഷമാണ്.
കരിയറില് ഉണ്ടായ ബ്രേക്ക് എന്ന് പറയുന്നത് കോമഡി ഉത്സവമാണ്. എന്റെ സുഹൃത്തുക്കള് എല്ലാവരും നീ പോയി ചെവി ടെസ്റ്റ് ചെയ്യണം എന്ന് പറഞ്ഞവരാണ്. ഇത്ര ഉറക്കെ സംസാരിക്കേണ്ട കാര്യമില്ലെന്ന് പറഞ്ഞിട്ടുണ്ട്. സ്റ്റേജില് കയറുമ്പോള് ഇങ്ങനെ ഉച്ചത്തില് സംസാരിക്കണ്ട, മൈക്ക് ഉണ്ടല്ലോ എന്ന് പറഞ്ഞവരുണ്ടെന്നും എന്നാല് കോമഡി ഉത്സവത്തില് ആളുകള്ക്ക് ഇഷ്ടപ്പെട്ടതും അതാണെന്നും അദ്ദേഹം പറഞ്ഞു.
ഭാര്യ ലക്ഷ്മി ഉണ്ടാക്കുന്ന സോഷ്യല് മീഡിയ കണ്ടന്റില് താനും അഭിനയിക്കുന്നതിനെക്കുറിച്ചും റണ്വേ സിനിമ ഷൂട്ട് ചെയ്യുമ്പോള് തനിക്കുള്ള തോളിന്റെ ചെരിവിനെക്കുറിച്ച് നടന് മുരളി പറഞ്ഞതും സിനിമയില് അഭിനയിക്കുമ്പോള് തന്നെ ഡബ്ബിംഗ് ആര്ടിസ്റ്റ് ആയതിനെക്കുറിച്ചും മിഥുന് അഭിമുഖത്തില് പങ്കുവെക്കുന്നു.