റെക്കോര്ഡ് തകര്ച്ചയില് ഇന്ത്യൻ രൂപ. ഡോളറിനെതിരെ ഇന്ന് രൂപയുടെ മൂല്യം 43 പൈസ കൂടി ഇടിഞ്ഞതോടെ 81.54ലേക്ക് മൂല്യം ഇടിഞ്ഞു. ഡോളറിനെതിരെ ഇന്ത്യൻ രൂപയുടെ ചരിത്രത്തിലെ ഏറ്റവും താഴ്ന്ന വിനിമയ നിരക്കാണ് ഇന്ന് രേഖപ്പെടുത്തിയത്. അമേരിക്കൻ കറൻസി ശക്തിയാർജ്ജിക്കുന്നാണ് ഇന്ത്യൻ രൂപയുടെ ഇടിവിന് കാരണം.
പണപ്പെരുപ്പം നിയന്ത്രിക്കാൻ അമേരിക്കൻ ഫെഡറൽ റിസർവ് നികുതി നിരക്കുകൾ ഇനിയും ഉയർത്തുമെന്നാണ് റിപ്പോർട്ട്. അങ്ങനെയെങ്കിൽ രൂപയുടെ മൂല്യം ഇനിയും താഴുമെന്ന് വിദഗ്ദ്ധർ പറയുന്നു. ഡോളറിനെതിരെ അടുത്ത ദിവസങ്ങളിൽ ഇന്ത്യൻ രൂപ 82 രൂപ മുതൽ 83.5 രൂപ വരെ ഇടിയുമെന്നാണ് വിലയിരുത്തുന്നത്.
ഈ സാഹചര്യത്തിൽ സാമ്പത്തിക പ്രതിസന്ധി നിയന്ത്രിക്കാൻ റിസർവ് ബാങ്കും പലിശ നിരക്ക് ഉയർത്താനാണ് സാധ്യത. 50 ബേസിസ് പോയിൻ്റ് വരെ നിരക്ക് വർധനവുണ്ടായേക്കുമെന്നാണ് സൂചന. രൂപയുടെ നിലവാരം മെച്ചപ്പെടുത്താനാണ് കേന്ദ്രസർക്കാരും റിസർവ് ബാങ്കും ശ്രമിക്കുക. ഇത് സംബന്ധിച്ച നിർണായക റിസർവ് ബാങ്ക് യോഗം ഈയാഴ്ച തന്നെയുണ്ടാവും.
സെൻസെക്സ് ഇന്ന് 1.37 ശതമാനം ഇടിഞ്ഞ് 57301.19 പോയിൻ്റിലാണ് വ്യാപാരം തുടങ്ങിയിരിക്കുന്നത്. നിഫ്റ്റിയിൽ 1.51 ശതമാനമാണ് ഇടിവ്. 17066.55 പോയിൻ്റിലാണ് വ്യാപാരം.