സോളാര് കേസില് മുന് മുഖ്യമന്ത്രി ഉമ്മന് ചാണ്ടിയെ കുടുക്കാന് ഗൂഢാലോചന നടത്തിയെന്ന സിബിഐ റിപ്പോര്ട്ടിന് പിന്നാലെ കെ ബി ഗണേഷ് കുമാര് എം എല്എയ്ക്കെതിരെ വിമര്ശനവുമായി യൂത്ത് കോണ്ഗ്രസ് സംസ്ഥാന ജനറല് സെക്രട്ടറി രാഹുല് മാങ്കൂട്ടത്തില്.
കൂടെ നിന്നിട്ട് ഒടുവില് ചതിക്കുന്ന ഒറ്റുകാരന്റെ വേഷം ഗണേഷ്കുമാര് സിനിമയില് ഒന്നിലേറെ തവണ അവതരിപ്പിച്ചിട്ടുണ്ട്. ആ റോള് അതിലുപരി അയാള് ജീവിതത്തില് പകര്ന്നാടിയിട്ടുണ്ടെന്ന് രാഹുല് മാങ്കൂട്ടത്തില് ഫേസ്ബുക്കില് ഇട്ട കുറിപ്പില് പറയുന്നു. ഒറ്റുകാരന്റെ വേഷം കെ ബി ഗണേഷ് കുമാര് അത് അച്ഛനോടായാലും, അച്ഛന്റെ സ്ഥാനത്ത് കണ്ട ഉമ്മന് ചാണ്ടി സാറിനോടായാലും, ഇപ്പോള് അഭയം കൊടുത്ത പിണറായി വിജയനോടായാലും കാണിച്ചിട്ടുണ്ടെന്നും രാഹുല് മാങ്കൂട്ടത്തില് വിമര്ശിച്ചു.
ഇപ്പോള് ഇടയ്ക്കൊക്കെ സര്ക്കാര് വിമര്ശനമൊമൊക്കെ നടത്തി യുഡിഎഫിലേക്ക് ഒരു പാലം പണിതിടാം എന്ന് ഗണേഷ്കുമാര് വിചാരിച്ചാലും, ആ പാലത്തിലൂടെ ഗണേഷിനെ നടത്തിച്ച് യുഡിഎഫ് പത്തനാപുരം എംഎല്എ ആക്കാമെന്ന് ഏതേലും നേതാക്കള് ആഗ്രഹിച്ചാലും ആ പാലം പൊളിച്ചിരിക്കും. പത്തനാപുരം പോയാലും, കേരളം പോയാലും ഗണേഷ് കുമാറിനെ ചുമക്കില്ലെന്നും രാഹുല് മാങ്കൂട്ടത്തില് പറഞ്ഞു.
കെബി ഗണേഷ് കുമാര്, അദ്ദേഹത്തിന്റെ ബന്ധു ശരണ്യ മനോജ്, ‘വിവാദ ദല്ലാള്’ എന്നിവരുടെ പേരുകളാണ് ഉമ്മന് ചാണ്ടിയെ കുറ്റവിമുക്തനാക്കി കൊണ്ട് കോടതിയില് സിബിഐ സമര്പ്പിച്ച റിപ്പോര്ട്ടില് പരാമര്ശിക്കുന്നത്. മജിസ്ട്രേറ്റ് കോടതിയില് സമര്പ്പിച്ച റിപ്പോര്ട്ട് കോടതി കഴിഞ്ഞ ദിവസം അംഗീകരിച്ചിരുന്നു. പരാതിക്കാരിയുടെ ആദ്യ കത്തിന് പുറമെ അവര് പലപ്പോഴായി രാഷ്ട്രീയ നേതാക്കളുടെ പേര് എഴുതിച്ചേര്ക്കുന്നതിനായി തയ്യാറാക്കിയ നാല് കത്തുകളും സിബിഐ തെളിവായി സ്വീകരിച്ചിരുന്നു. പരാതിക്കാരി ജയിലില് കിടന്നപ്പോള് എഴുതിയ ആദ്യ കത്തില് ഉമ്മന്ചാണ്ടിയുടെ പേരോ പരാമര്ശമോ ഇല്ലായിരുന്നു. ഇത് കൂട്ടിച്ചേര്ത്താണ് സിബിഐ ഗൂഢാലോചനയുണ്ടെന്ന് കണ്ടെത്തലിലേക്ക് എത്തിയത്.
രാഹുല് മാങ്കൂട്ടത്തിലിന്റെ ഫേസ്ബുക്ക് പോസ്റ്റ്
കൂടെ നിന്നിട്ട് ഒടുവില് ചതിക്കുന്ന ഒറ്റുകാരന്റെ വേഷം ഗണേഷ്കുമാര് സിനിമയില് ഒന്നിലേറെ തവണ അവതരിപ്പിച്ചിട്ടുണ്ട്. ആ റോള് അതിലുപരി അയാള് ജീവിതത്തില് പകര്ന്നാടിയിട്ടുണ്ട്. അത് അച്ഛനോടായാലും, അച്ഛന്റെ സ്ഥാനത്ത് കണ്ട ഉമ്മന് ചാണ്ടി സാറിനോടായാലും, ഇപ്പോള് അഭയം കൊടുത്ത പിണറായി വിജയനോടായാലും.
നിരപരാധിയും നീതിമാനുമായ ഉമ്മന് ചാണ്ടി സാറിനെ സോളാര് കേസില് വ്യാജമായി കൂട്ടിച്ചേര്ത്തത് ഗണേഷ്കുമാറാണ് എന്ന പുതിയ വെളുപ്പെടുത്തലില് യാതൊരു അത്ഭുതവുമില്ല. അത് എല്ലാവര്ക്കും അറിയുന്ന ഒരു സത്യമാണ്. ഉമ്മന് ചാണ്ടി സാര് മരണം വരെ മനസ്സില് സൂക്ഷിച്ച ഒരു രഹസ്യത്തിന്റെ ഔദാര്യം തന്നെയാണ് ഗണേഷ്കുമാറിന്റെ പൊതുജീവിതം.
ഇപ്പോള് ഇടയ്ക്കൊക്കെ സര്ക്കാര് വിമര്ശനമൊമൊക്കെ നടത്തി യുഡിഎഫിലേക്ക് ഒരു പാലം പണിതിടാം എന്ന് ഗണേഷ്കുമാര് വിചാരിച്ചാലും, ആ പാലത്തിലൂടെ ഗണേഷിനെ നടത്തിച്ച് യുഡിഎഫ് പത്തനാപുരം എംഎല്എ ആക്കാമെന്ന് ഏതേലും നേതാക്കള് ആഗ്രഹിച്ചാലും ആ പാലം പൊളിച്ചിരിക്കും…..
പത്തനാപുരം പോയാലും, കേരളം പോയാലും ഇയാളെ ചുമക്കില്ല….
‘എനിക്കെന്റെ ഭാര്യയില് വിശ്വാസമുള്ളത് കൊണ്ട് മാത്രം ഗണേഷ് എന്റെ മകനാണ്’ എന്ന് ബാലകൃഷ്പിള്ള തന്നെ പറഞ്ഞിട്ടുള്ള ഗണേഷ്കുമാറിനെ പറ്റി കൂടുതലൊന്നും പറയുന്നില്ല.
കൂടെ നിന്നിട്ട് ഒടുവില് ചതിക്കുന്ന ഒറ്റുകാരന്റെ വേഷം ഗണേഷ്കുമാര് സിനിമയില് ഒന്നിലേറെ തവണ അവതരിപ്പിച്ചിട്ടുണ്ട്. ആ റോള് അതിലുപരി അയാള് ജീവിതത്തില് പകര്ന്നാടിയിട്ടുണ്ട്.