അമേരിക്കയിലെ ഫിലഡൽഫിയയിൽ മലയാളി കൊല്ലപ്പെട്ടു. കൊല്ലം സ്വദേശി ജൂഡ് ചാക്കോയാണ് അഞ്ജാതൻ്റെ വെടിയേറ്റ് മരിച്ചത്. 21 വയസ്സായിരുന്നു ജൂഡിന്. കൊല്ലം ആയൂർ മലപ്പേരൂർ സ്വദേശി അഴകത്ത് വീട്ടിൽ റോയി ചാക്കോയുടേയും ആശയുടേയും മകനാണ്
ജൂഡ്. കൊട്ടാരക്കര കിഴക്കേത്തെരുവിലാണ് ജൂഡിന്റെ അമ്മ ആശയുടെ വീട്. വളരെക്കാലം മുൻപേ കേരളത്തിൽ നിന്നും അമേരിക്കയിലേക്ക് കുടിയേറിയതാണ് ജൂഡിൻ്റെ കുടുംബം. ജൂഡിൻ്റെ സംസ്കാരം പിന്നീട് ഫിലാഡാൽഫിയ പള്ളിയിൽ നടക്കും.
ജോലി സ്ഥലത്തു നിന്ന് താമസിക്കുന്ന അപ്പാർട്മെന്റിലേക്ക് പോകുമ്പോൾ അജ്ഞാതനായ യുവാവ് ജൂഡിന് നേരെ വെടിയുതിർക്കുകയായിരുന്നുവെന്നാണ് വിവരം. ഇന്ത്യൻ സമയം ഇന്നലെ വൈകിട്ടോടെയായിരുന്നു സംഭവം. ബിബിഎ വിദ്യാർഥിയായ
ജൂഡ് പഠനത്തോടൊപ്പം ജോലിയും ചെയ്തിരുന്നു. ഫിലഡൽഫിയയിലെ സ്ഥാപനത്തിൽ നിന്ന് ജോലി കഴിഞ്ഞ് പോകുമ്പോഴായിരുന്നു ആക്രമണം.