കെ.പി.സി.സി പ്രസിഡന്റെന്ന നിലയില് ചുമതലകള് പ്രതീക്ഷിച്ചത്ര നിറവേറ്റാന് സാധിച്ചില്ലെന്ന് കെ. സുധാകരന്. വയനാട്ടില് വെച്ച് നടക്കുന്ന കെ.പി.സി.സിയുടെ രണ്ട് ദിവസം നീണ്ടുനില്ക്കുന്ന നേതൃയോഗത്തിലാണ് കെ. സുധാകരന്റെ സ്വയം വിമര്ശനം.
സാഹചര്യങ്ങളുടെ സമ്മര്ദ്ദം മൂലമാണ് പ്രതീക്ഷിച്ച അത്ര മുന്നോട്ട് പോകാന് സാധിക്കാതിരുന്നത് എന്നാണ് സുധാകരന്റെ വിമര്ശനം. പുനഃസംഘടന പൂര്ത്തിയാക്കാന് കഴിയാത്തത് വലിയ പ്രശ്നമാണെന്നും എല്ലാവരും സഹകരിക്കണമെന്നും സുധാകരന് യോഗത്തില് പറഞ്ഞു. പൂര്ത്തിയായിരുന്നെങ്കില് കോണ്ഗ്രസിന്റെ മുഖം തന്നെ മാറുമായിരുന്നെന്നും സുധാകരന് പറഞ്ഞു.
വരാനിരിക്കുന്ന പാര്ലമെന്റ് തെരഞ്ഞെടുപ്പിനായുള്ള മുന്നൊരുക്കങ്ങളാണ് പ്രധാന അജണ്ട. പുനഃസംഘടനാ ചര്ച്ചകള്ക്ക് യോഗത്തില് അന്തിമ രൂപം ഉണ്ടായേക്കും. ഈ മാസം തന്നെ പുനഃസംഘടന പൂര്ത്തിയാക്കുമെന്ന് കെ.പി.സി.സി അധ്യക്ഷന് കെ സുധാകരന് പറഞ്ഞു.