തിരുവനന്തപുരത്ത് ഡോക്ടര് ഷഹന ആത്മഹത്യ ചെയ്യുന്നതിന് മുമ്പ് റുവൈസിന് വാട്സാപ്പില് അയച്ച മെസേജുകള് കണ്ടെടുത്ത് പൊലീസ്. ആത്മഹത്യ ചെയ്യാന് പോവുകയാണെന്ന് ഷഹന റുവൈസിന് സന്ദേശം അയച്ചിരുന്നു. മെസേജ് കിട്ടിയതോടെ റുവൈസ് ഷഹനയെ ബ്ലോക്ക് ചെയ്യുകായാരിരുന്നെന്ന് ഷഹനയുടെ ഫോണില് നിന്നാണ് മെസേജിന്റെ വിവരങ്ങള് ലഭിച്ചത്.
രാവിലെ ഒന്പത് മണിക്കാണ് ഷഹന മെസേജ് അയച്ചത്. തിങ്കളാഴ്ച രാത്രിയാണ് ഷഹനയെ അബോധാവസ്ഥയില് ഫ്ളാറ്റില് കണ്ടെത്തിയത്.
കേസില് റുവൈസിനെ പൊലീസ് കസ്റ്റഡിയില് എടുക്കുന്നതിന് തൊട്ടുമുമ്പാണ് ഫോണിലെ ഈ സന്ദേശം റുവൈസ് ഡിലീറ്റ് ചെയ്തത്.
റുവൈസിന്റെ ഫോണിലെ സന്ദേശങ്ങള് ഡിലീറ്റ് ചെയ്ത അവസ്ഥയില് ആണെന്നും അത് കണ്ടെടുക്കാന് സൈബര് വിദഗ്ധരുടെ സഹായം തേടുന്നുണ്ടെന്നും നേരത്തെ തന്നെ പൊലീസ് അറിയിച്ചിരുന്നു.