സമൂഹമാധ്യമങ്ങളിൽ കഴിഞ്ഞ ദിവസം ശ്രദ്ധേയമായ ചിത്രം ഏറെ കൗതുകം ജനിപ്പിക്കുന്നതായിരുന്നു. ലോകകപ്പ് ആവേശത്തിലേക്ക് ലോകം എത്തിയിരിക്കുന്നതിനാൽ ചിത്രത്തിനും പ്രാധാന്യമേറി.
ഫുട്ബോൾ ഇതിഹാസം മെസ്സിയും റൊണാൾഡോയും ഒന്നിച്ചിരുന്ന് ചെസ് കളിക്കുന്ന ചിത്രമായിരുന്നു അത്. ലോക പ്രസിദ്ധ ഫ്രഞ്ച് ആഡംബര കമ്പനിയായ ലൂയി വിറ്റോൺ അവരുടെ പരസ്യത്തിന് ആയി ഉപയോഗിച്ച താരങ്ങുടെ ഒന്നിച്ചുള്ള ചിത്രം ആരാധകരും ഏറ്റെടുക്കുകയായിരുന്നു.
ലൂയി വിറ്റോണിനു ആയി അവരുടെ കൈകൊണ്ട് നിർമിച്ച പ്രസിദ്ധ ട്രങ്കിന് മുകളിൽ രണ്ടു പേർ ചെസ് കളിക്കുന്ന ഫോട്ടോ എടുത്തത് പ്രസിദ്ധ അമേരിക്കൻ ഫോട്ടോഗ്രാഫർ ആനി ലെയിബോവ്റ്റ് ആണ്. ‘വിജയം മനസ്സിന്റെ നിലയിലാണ്’ എന്ന കുറിപ്പോടെ പങ്കുവെച്ച ചിത്രമാണ് ഇതിനകം വൈറലായിരിക്കുന്നത്.