ഫുട്ബോൾ ഇതിഹാസ താരങ്ങളായ മെസ്സിയും റൊണാൾഡോയും നേർക്കുനേർ പോരാട്ടത്തിനിറങ്ങുന്നു. ചരിത്രപരമായ ഈ സൗഹൃദ പോരാട്ടത്തിന് വേദിയാവുകയാണ് റിയാദിലെ മർസൂൾ പാർക്ക് സ്റ്റേഡിയം.ജനുവരി 19 നാണ് “റിയാദ് സീസൺ കപ്പ് ടൂർണമെന്റ്” ആരംഭിക്കുക.
ക്രിസ്റ്റ്യാനോ റൊണാൾഡോ സൗദി അറേബ്യയിലെ അൽ നാസർ ക്ലബിൽ ചേർന്നതിനു ശേഷമുള്ള ആദ്യ മത്സരമാണ്. അതിലുപരി മെസ്സിയുമായുള്ള പോരാട്ടം എന്നനിലക്ക് മത്സരം ആരാധകരിൽ ആവേശമുണർത്തും.
റിയാദ് സീസൺ ചാംപ്യൻഷിപ്പിന്റെ ഭാഗമായി ഫ്രാൻസിന്റെ പാരീസ് സെന്റ് ജെർമെയ്ൻ അൽ നാസറും അൽ ഹിലാലിന്റെ പ്രമുഖ താരങ്ങളും ഉൾപ്പെടുന്ന ടീമിനെ നേരിടും. മത്സരം ഫുട്ബോൾ ഇതിഹാസങ്ങളായ റൊണാൾഡോയും മെസ്സിയും തമ്മിലുള്ള നേർക്കുനേർ പോരാട്ടമായി മാറും. മെസ്സി നിലവിൽ സെന്റ് ജെർമെയ്ൻ റൊണാൾഡോ അൽ നാസറിനു വേണ്ടിയാണു കളിക്കുന്നത്.