ദുബായ് എക്സ്പോ 2020 ലെ രണ്ട് ജനപ്രിയ പവലിയനുകൾ തുറക്കുന്നു. അലിഫ് – ദി മൊബിലിറ്റി, ടെറ – ദ സസ്റ്റൈനബിലിറ്റി എന്നീ പവലിയനുകളാണ് സന്ദർശകർക്കായി സെപ്റ്റംബർ 1 മുതൽ തുറന്നുകൊടുക്കുക. ഒക്ടോബർ 1 ന് എക്സ്പോ സിറ്റി തുറക്കുന്നതിന്റെ മുന്നോടിയായാണ് വ്യാഴാഴ്ച മുതൽ സന്ദർശകരെ സ്വീകരിച്ച് തുടങ്ങുക.
പവലിയനിൽ പ്രവേശിക്കാൻ ഒരാൾക്ക് 50 ദിർഹം ആണ് ടിക്കറ്റ് നിരക്ക്. ടിക്കറ്റുകൾ ദുബായ് എക്സ്പോ സിറ്റിയിലെ നാല് ബോക്സ് ഓഫീസുകളിലും ലഭ്യമാണ്. എക്സ്പോ സൈറ്റിൽ നിന്ന് 55 മീറ്റർ ഉയരത്തിൽ സന്ദർശകരെ ഉയർത്തി 360 ഡിഗ്രി കാഴ്ചകൾ പ്രദാനം ചെയ്യുന്ന ഭ്രമണം ചെയ്യുന്ന നിരീക്ഷണ ഗോപുരമായ ഗാർഡൻ ഇൻ ദി സ്കൈ സെപ്റ്റംബർ 1-ന് തുറക്കും.
എല്ലാ ദിവസവും രാവിലെ 10 മുതൽ വൈകിട്ട് 6 വരെ പവലിയൻ തുറക്കും. എന്നാൽ ഗാർഡൻ ഇൻ ദി സ്കൈ ഉച്ചകഴിഞ്ഞ് 3 മുതൽ 6 വരെയാണ് പ്രവര്ത്തിക്കുക. ഓരോന്നിനും ടിക്കറ്റ് നിരക്ക് 30 ദിർഹമാണ്. എന്നാൽ 12 വയസിൽ താഴെയുള്ള കുട്ടികൾക്ക് ടിക്കറ്റിന്റെ ആവശ്യമില്ലെന്നും അധികൃതർ അറിയിച്ചു.