യുഎഇ ടു കോഴിക്കോട് സർവീസ് എയർ ഇന്ത്യ നിർത്തുന്നു, ഇനി എയർ ഇന്ത്യ എക്സ്പ്രസ്സ്‌ സർവീസ് നടത്തും 

ഷാ​ർ​ജ, ദു​ബായ് എന്നിവിടങ്ങളിൽ ​ നി​ന്ന് കോഴിക്കോട്ടേക്കും തി​രി​ച്ചു​മു​ള്ള സർവീസുകൾ പൂ​ർ​ണ​മാ​യും നി​ർ​ത്തലാക്കി എ​യ​ർ ഇ​ന്ത്യ​. ഇനി മുതൽ എ​യ​ർ ഇ​ന്ത്യ എ​ക്സ്പ്ര​സ് ആയിരിക്കും ഈ സ​ർ​വീസുകൾ ന​ട​ത്തുക. കേ​ന്ദ്ര വ്യോമയാന ​മന്ത്രി ജ്യോ​തി​രാ​ദി​ത്യ സി​ന്ധ്യയാണ് എം.​പി അ​ബ്ദു​സ്സ​മ​ദ് സ​മ​ദാ​നി എം.​പി​യെ ഇക്കാര്യം അ​റി​യി​ച്ചത്. സ​ർ​വി​സു​ക​ൾ റദ്ദാക്കരുതെന്ന് ആവ​ശ്യ​പ്പെ​ട്ട്​ എം.​പി കത്ത് നൽകിയിരുന്നു. ഇതിന്റെ മ​റു​പ​ടി​യാ​യാ​ണ്​ വ്യോമയാന മ​ന്ത്രി ഇ​ക്കാ​ര്യം അ​റി​യി​ച്ച​ത്. നിലവിൽ എ​ല്ലാ ദി​വ​സ​വും പു​ല​ർ​ച്ച 2.20നും ​വൈ​കീ​ട്ട് 4.05നും ദു​ബൈ​യി​ൽ​ നി​ന്നും കോഴിക്കോട്ടേക്ക് എ​യ​ർ ഇ​ന്ത്യ എ​ക്സ്പ്ര​സ് സർവീസ് നടത്തുന്നുണ്ട്.

ദു​ബായി​ൽ നി​ന്ന് ഉ​ച്ച​യ്ക്ക് 1.10 നാ​ണ് എ​യ​ർ ഇന്ത്യയുടെ കോഴിക്കോട്ടേക്കുള്ള സ​ർ​വീസ്. എന്നാൽ മാ​ർ​ച്ച് 26 മു​ത​ൽ ഇ​തേ സെ​ക്ട​റി​ൽ എ​യ​ർ ഇ​ന്ത്യ എ​ക്സ്പ്ര​സി​ന്‍റെ ര​ണ്ടു സർവീസുകളായിരിക്കും ഉണ്ടാവുക. കൂടാതെ ഉച്ചയ്ക്ക് 12.30 നും ​രാ​ത്രി 11.40 നും എയർ ഇന്ത്യ സർവീസ് നടത്തും. ​എന്നാൽ ദുബായിൽ നി​ന്നും എ​യ​ർ ഇ​ന്ത്യ എ​ക്സ്പ്ര​സ്സി​നും എ​യ​ർ ഇന്ത്യയ്ക്കും ഉണ്ടായിരുന്ന മൂ​ന്ന് സർവീസുകൾക്ക്‌ പ​ക​രം മാ​ർ​ച്ച് 26ന് ശേഷം എയർ ഇ​ന്ത്യ എ​ക്സ്പ്ര​സ്സി​ന്‍റെ ര​ണ്ടു സർവീസുകൾ മാ​ത്ര​മാ​യി ചുരുങ്ങും. അതായത്, ഒ​രു സ​ർ​വി​സ് പ്ര​വാ​സി​ക​ൾ​ക്ക് പൂ​ർ​ണ​മാ​യും നഷ്ടമാകും.

ഷാ​ർ​ജ​യി​ൽ നി​ന്നും രാ​ത്രി 11.45 ന് കോഴിക്കോട്ടേക്കുള്ള എ​യ​ർ ഇ​ന്ത്യയുടെ സർവീസിന് പകരം എ​യ​ർ ഇ​ന്ത്യ എ​ക്സ്പ്ര​സ് സ​ർ​വി​സ് ന​ട​ത്തും. രാ​ത്രി 12.10ന് ​പു​റ​പ്പെ​ട്ട് പുലർച്ചെ 5.50ന് ​കോ​ഴി​ക്കോ​ട് എ​ത്തു​ന്ന രീ​തി​യി​ലാ​യിരിക്കും ഈ ​സ​ർ​വി​സി​ന്‍റെ ക്രമീകരണം. എന്നാൽ നി​ല​വി​ൽ എ​ല്ലാ ദി​വ​സ​വും ഇ​തേ റൂട്ടിൽ ഉ​ച്ച​ക്ക് 12.55ന് ​ഉ​ണ്ടാ​യി​രു​ന്ന എ​യ​ർ ഇന്ത്യ എ​ക്സ്പ്ര​സി​ന്‍റെ സ​ർ​വി​സ് മാ​ർ​ച്ച് 26 മുതൽ ഒ​ന്നി​ട​വി​ട്ട ദി​വ​സ​ങ്ങ​ളി​ൽ ഉ​ച്ച​യ്ക്ക് 1.10 ന് ​പു​റ​പ്പെ​ടു​ന്ന രീ​തി​യി​ലാ​ണ് പുതിയ ബു​ക്കി​ങ്.

അതേസമയം പെ​രു​ന്നാ​ൾ അ​വ​ധി​യ്ക്കും വിദ്യാലയങ്ങളിലെ വേ​ന​ൽ അ​വ​ധി​യ്ക്കും നാട്ടിലേക്ക് പുറപ്പെടാനിരിക്കുന്ന നിരവധി പ്രവാസികൾ എയർ ഇന്ത്യയിൽ നേ​ര​ത്തെ ടിക്കറ്റ് എ​ടു​ത്തി​ട്ടു​ണ്ട്. ഇ​വ​രു​ടെ ടി​ക്ക​റ്റു​ക​ൾ എയർ ഇ​ന്ത്യ എ​ക്സ്പ്ര​സി​ലേ​ക്ക് മാ​റ്റി​ നൽകുമെന്ന് ​എയ​ർ ഇ​ന്ത്യ വൃത്തങ്ങൾ അറിയിച്ചതായാണ് റിപ്പോർട്ട്‌. എന്നാൽ എ​യ​ർ ഇ​ന്ത്യ എ​ക്സ്പ്ര​സ് ബ​ജ​റ്റ് എ​യ​ർ​ലൈ​ൻ ആ​യ​തു​കൊ​ണ്ട് തന്നെ എ​യ​ർ ഇ​ന്ത്യ​യി​ൽ​ നിന്ന് ലഭിക്കുന്ന എല്ലാ സൗ​ക​ര്യ​ങ്ങ​ളും ആനുകൂല്യങ്ങളും യാ​ത്ര​ക്കാ​ർ​ക്ക് ന​ഷ്ട​മാ​കും. രോ​ഗി​ക​ൾ​ക്കു​ള്ള സ്ട്ര​ച്ച​ർ സൗ​ക​ര്യം, വിഭവ സമൃദ്ധമായ ഭ​ക്ഷ​ണം, ബി​സി​ന​സ് ക്ലാ​സ്, ടിക്കറ്റ് റദ്ധ് ചെ​യ്യാ​നും തീ​യ​തി മാ​റ്റാ​നു​മു​ള്ള പ്ര​ത്യേ​കം ആ​നു​കൂ​ല്യ​ങ്ങ​ൾ തു​ട​ങ്ങി​യ​വയും ഇതിലുൾപ്പെടുന്നു.