കുവൈത്ത് സിറ്റി: കുവൈത്ത് – കോഴിക്കോട് സെക്ടറിൽ സർവ്വീസുകൾ വെട്ടിക്കുറച്ച് എയർഇന്ത്യ എക്സ്പ്രസ്സ്. കുവൈത്തിൽ നിന്നും കോഴിക്കോട്ടേക്കും തിരിച്ചുമുള്ള ബുധനാഴ്ചയിലെ സർവ്വീസ് ആണ് എയർഇന്ത്യ എക്സപ്രസ്സ് വെട്ടിക്കുറച്ചത്. വരുന്ന ആഴ്ചകളിൽ ബുധനാഴ്ചത്തേക്ക് ടിക്കറ്റെടുത്തവർക്ക് മറ്റൊരു ദിവസത്തേക്ക് ബുക്കിംഗ് മാറ്റാമെന്ന് എയർഇന്ത്യ എക്സ്പ്രസ്സ് അറിയിച്ചു.
ബുധനാഴ്ചയിലെ സർവ്വീസ് അവസാനിപ്പിച്ചതോടെ കുവൈത്ത് – കോഴിക്കോട് സെക്ടറിൽ എയർഇന്ത്യ എക്സ്പ്രസ്സ് ഇനി മൂന്ന് ദിവസം മാത്രമാകും. നവംബർ മുതൽ ശനിയാഴ്ചയിലെ അവധി വെള്ളിയാഴ്ചയിലേക്ക് മാറും.ഇതോടെ ചൊവ്വ, ബുധൻ, വെള്ളി ദിവസങ്ങളിൽ ഇനി കുവൈത്ത് – കോഴിക്കോട് റൂട്ടിൽ എയർഇന്ത്യ എക്സപ്രസ്സ് സർവ്വീസുണ്ടാവില്ല.
അതേസമയം ഓഫ് സീസണിൽ അധിക ബാഗേജ് നിരക്കിൽ എയർഇന്ത്യ എക്സ്പ്രസ്സ് ഇളവ് പ്രഖ്യാപിച്ചിട്ടുണ്ട്. കുവൈത്തിൽ നിന്നും കേരളത്തിലേക്കുള്ള അധിക ബാഗേജ് നിരക്കിലാണ് എയർഇന്ത്യ എക്സ്പ്രസ്സ് കുറവ് വരുത്തിയിരിക്കുന്നത്. പത്ത് കിലോ അധിക ബാഗേജിന് ഒരു ദിനാർ മാത്രമാണ് അധികമായി ഈടാക്കുക. ഡിസംബർ 11 വരെ യാത്ര ചെയ്യുന്നവർക്കും ടിക്കറ്റ് ബുക്ക് ചെയ്യുന്നവർക്കും ഈ ഓഫർ ഉപയോഗപ്പെടുത്താം.