വരാപ്പുഴ: വരാപ്പുഴയിൽ നാല് വയസ്സുകാരനെ കൊന്ന് പിതാവ് ജീവനൊടുക്കിയ സംഭവത്തിന് പിന്നിൽ കുടുംബപ്രശ്നങ്ങളെന്ന് പൊലീസ്. യൂട്യൂബറും അഡൽട്ട് വെബ് സീരീസുകളിൽ നായികയുമായ ദിയ ഗൗഡ എന്ന ഖദീജയുടെ ഭർത്താവ് ഷെരീഫും നാല് വയസ്സുള്ള മകൻ അൽ ഷിഫാഫിനെയുമാണ് കഴിഞ്ഞ ദിവസം വരാപ്പുഴ മണ്ണുംതുരുത്തിലെ വാടകവീട്ടിൽ മരിച്ച നിലയിൽ കണ്ടെത്തിയത്.
നിരോധിത അഡൽട്ട് കണ്ടൻ്റ് വെബ് സൈറ്റായ യെസ്മയിൽ അഭിനയിച്ച് സമൂഹമാധ്യമങ്ങളിൽ വൈറലായ ദിയ ഗൗഡ എന്ന ഖദീജയാണ് ഷെരീഫിൻ്റെ ഭർത്താവ്. മലപ്പുറം വളാഞ്ചേരി സ്വദേശിയാണ് ഇയാൾ. തൃശ്ശൂർ ചാവക്കാട് സ്വദേശിനിയാണ് ഖദീജ. ഇരുവരുടേയും രണ്ടാം വിവാഹമായിരുന്നു ഇത്. മൂന്നാഴ്ച മുൻപാണ് ഷെരീഫും മകനും വരാപ്പുഴ മണ്ണുംതുരത്തിലുള്ള വാടകവീട്ടിൽ താമസമാക്കിയത്. എന്നാൽ ഇവരോടൊപ്പം ഖദീജയുണ്ടായിരുന്നില്ല. ഇവർ ആലുവയിലെ ഫ്ളാറ്റിൽ തന്നെയായിരുന്നു താമസം.
ബുധനാഴ്ച പുലർച്ചെ ഒന്നരയോടെയാണ് ഷെരീഫിനേയും മകനേയും വീടിൻ്റെ ഒന്നാം നിലയിൽ മരണപ്പെട്ട നിലയിൽ കണ്ടെത്തിയത്. മരിക്കുന്നതിന് മുൻപ് ഇയാൾ ഖദീജയെ വിളിച്ച് മകനെ കൊന്ന് ആത്മഹത്യ ചെയ്യാൻ പോകുകയാണെന്ന് പറഞ്ഞിരുന്നുവെന്നാണ് വിവരം. ഖദീജ ഈ വിവരം മണ്ണുംതുരുത്തിലുള്ള അയൽവാസിയെ വിളിച്ചു പറഞ്ഞു. മണ്ണുംതുരുത്തിലുള്ള മറ്റൊരാളെ വിളിച്ച് ഖദീജയുടെ സുഹൃത്തും ഇതേ വിവരം കൈമാറി. വിവരമറിഞ്ഞ് പൊലീസും സ്ഥലത്തേക്ക് എത്തി. എന്നാൽ ഇതിനും മുൻപേ തന്നെ ഷെരീഫും മകനും മരിച്ചിരുന്നു. ഇവരുടെ മൃതദേഹം കാണാൻ ഖദീജ എത്തിയില്ലെന്നാണ് പൊലീസ് നൽകുന്ന വിവരം. വളാഞ്ചേരിയിൽ നിന്നും ബന്ധുക്കളെത്തി മൃതദേഹം ഏറ്റുവാങ്ങി നാട്ടിലേക്ക് കൊണ്ടു പോയി.