യുക്രൈനിലെ പ്രധാന ജലവൈദ്യുത പദ്ധതിയായ കഖോവ്ക ഡാം റഷ്യ തകര്ത്തെന്ന് യുക്രൈന്. 16,000 പേരെ ഒഴിപ്പിക്കേണ്ടി വരുമെന്ന് യുക്രൈന് അറിയിച്ചു.
യുക്രൈനിലെ അടിയന്തര സാഹചര്യം ചര്ച്ച ചെയ്യാന് യുക്രൈന് പ്രസിഡന്റ് വ്ളാദിമിര് സെലന്സ്കി അടിയന്തര യോഗം വിളിച്ച് ചേര്ത്തു. പ്രാദേശിക സമയം 2.50ന് റഷ്യ ഡാം തകര്ത്തെന്ന് യുക്രൈന് പ്രസിഡന്റ് സെലന്സ്കി ആരോപിച്ചു. അതേസമയം ഈ ആരോപണം റഷ്യ നിഷേധിച്ചിട്ടുണ്ട്.
യുക്രൈന്റെ ആസൂത്രിത അട്ടിമറി ശ്രമമായാണ് ഡാം തകര്ത്തതെന്നാണ് റഷ്യ ആരോപിക്കുന്നത്. അതേസമയം കഖോവ്ക ഡാം സ്ഥിതി ചെയ്യുന്ന ഖേഴ്സണ് പ്രദേശം റഷ്യയുടെ അധീനതയിലാണ്. സോവിയറ്റ് കാലത്ത് നിര്മിച്ച ഹൈഡ്രോ ഇലക്ട്രിക് പ്ലാന്റ് ആണിത്.