ഷാഗോസ് ദ്വീപുകളിൽ തങ്ങുന്ന ശ്രീലങ്കൻ അഭയാർത്ഥികളെ നാടുകടത്തുമെന്ന് യുകെ അറിയിച്ചു. ശ്രീലങ്കയിലേക്ക് സ്വമേധയാ മടങ്ങിയില്ലെങ്കിൽ മൂന്നാം രാജ്യത്തേക്ക് ഇവരെ മാറ്റുമെന്നാണ് പ്രഖ്യാപനം. ഷാഗോസ് ദ്വീപസമൂഹത്തിലെ ഡീഗോ ഗാർസിയ എന്ന ദ്വീപിൽ 120 ശ്രീലങ്കൻ പൗരന്മാർ താമസിക്കുന്നതായി ദി ഐലൻഡ് റിപ്പോർട്ട് ചെയ്തിരുന്നു.
ശ്രീലങ്കയുടെ താൽപ്പര്യങ്ങളെ പ്രതിനിധീകരിക്കുന്നവർ അഭയാർത്ഥികളെ യുകെയിൽ തുടരാൻ അനുവദിക്കണമെന്ന് ആവശ്യപ്പെട്ടിട്ടുണ്ട്. എന്നാൽ ഷാഗോസ് ദ്വീപസമൂഹത്തിൻ്റെ മേൽ പരമാധികാരം ആർക്കാണെന്നത് തർക്കത്തിലാണ്. യുണൈറ്റഡ് കിംഗ്ഡം മാത്രമല്ല, മൗറീഷ്യസും ഷാഗോസ് ദ്വീപസമൂഹത്തിൻ്റെ മേൽ അവകാശവാദം ഉന്നയിക്കുന്നുണ്ട്.