യുഎഇയിലെ കാലാവസ്ഥ സാധാരണഗതിയിലായിരിക്കുമെന്ന് നാഷണൽ സെന്റർ ഓഫ് മെറ്റീരിയോളജി അറിയിച്ചു. രാജ്യത്തിന്റെ കിഴക്ക് ഭാഗങ്ങളിലായി മേഘങ്ങൾ രൂപപ്പെടും. ഇത് ക്രമേണ സംവഹന മേഘങ്ങളായി മാറാനും സാധ്യതയുണ്ട്.
രാജ്യത്തെ താപനില 45 ഡിഗ്രി സെൽഷ്യസ് വരെ ഉയരാം. അതേസമയം അബുദാബിയിൽ 43 ഡിഗ്രി സെൽഷ്യസും ദുബൈയിൽ 42 ഡിഗ്രി സെൽഷ്യസിലേക്കും മെർകുറി ഉയർന്നേക്കാമെന്നാണ് വിലയിരുത്തുന്നത്. പകൽ സമയങ്ങളിൽ നേരിയ കാറ്റ് വീശാനും ചില സമയങ്ങളിൽ പൊടിക്കാറ്റായി മാറാനും സാധ്യതയുണ്ട്. 20 ശതമാനം മുതൽ 80 ശതമാനം വരെ ഈർപ്പമുള്ളതായിരിക്കും അന്തരീക്ഷം. അറേബ്യൻ ഗൾഫിലും ഒമാൻ കടലിലും സ്ഥിതിഗതികൾ ചിലപ്പോൾ രൂക്ഷമായേക്കാമെന്നും കരുതുന്നു.
