വിദേശികളെ സ്വാഗതം ചെയ്യാനും യുഎഇയുടെ നിർമാണത്തിൽ പങ്കാളികളാക്കാനും യുഎഇ പ്രഖ്യാപിച്ച വീസകളെക്കുറിച്ചു അറിയാം. ലോകത്തിന്റെ എല്ലാ കോണുകളിൽ നിന്നും വരുന്ന കൂടുതൽ ആളുകളെ ആകർഷിക്കുന്നതിനായി യുഎഇ അടുത്തിടെ ചെയ്ത ഗെയിം ചേഞ്ചറുകളിൽ ഒന്നാണ് ഗോൾഡൻ വീസ ഉൾപ്പെടെയുള്ള മാറ്റങ്ങൾ.
ഗോൾഡൻ വീസ, ജോബ് സീക്കർ വീസ, ബിസിനസ് എക്സ്പ്ലറേഷൻ വീസ, മെഡിക്കൽ ട്രീറ്റ്മെന്റ് എൻട്രി വീസ, സ്റ്റഡി വീസ, മൾട്ടി എൻട്രി ടൂറിസ്റ്റ് വീസ, ട്രാൻസിറ്റ് വീസ, വിസിറ്റ് വീസ, ജിസിസി റസിഡന്റ് ഇ വീസ, താൽക്കാലിക വർക്ക് പെർമിഷൻ വീസ, ഡിപ്ലോമാറ്റിക് വീസ എന്നിവയാണ് യുഎഇ ഇപ്പോൾ നൽകുന്നത്. ഒരു രാജ്യത്തിന്റെ സ്വീകാര്യതയുടെ തെളിവുകളാണ് ഈ വീസകളെന്നാണ് യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം കഴിഞ്ഞ ദിവസം വ്യക്തമാക്കിയത്.
സ്പോൺസറോ ഹോസ്റ്റോ ആവശ്യമില്ലാതെ ആളുകൾക്ക് യുഎഇയിൽ താമസിക്കാനും രാജ്യം സന്ദർശിക്കാനും കൂടുതൽ സമയത്തേക്ക് തൊഴിലവസരങ്ങൾ നേടാനും എളുപ്പമാക്കിയ പ്രധാന പരിഷ്‌കാരങ്ങൾ ഇവയൊക്കെയാണ്
ഗോൾഡൻ വിസ
2020 ലാണ് ഈ 10 വർഷത്തെ റെസിഡൻസി വിസ ആദ്യമായി അവതരിപ്പിച്ചത്, വിദേശികൾക്ക് ഒരു പ്രാദേശിക സ്പോൺസറുടെ ആവശ്യമില്ലാതെ യുഎഇയിൽ താമസിക്കാനും ജോലി ചെയ്യാനും പഠിക്കാനും പ്രാപ്തമാക്കുന്നതിന് ഈ വിസ സഹായകമാകുന്നു. ഇത് അവരുടെ ബിസിനസുകളിൽ 100 ശതമാനം ഉടമസ്ഥത അവകാശവും കൈവരുന്നു. സാധാരണ പ്രവാസികൾക്ക് രണ്ടോ മൂന്നോ വർഷം കൂടുമ്പോൾ അവരുടെ റസിഡൻസി വിസ പുതുക്കേണ്ടി വരുമ്പോൾ, ഗോൾഡൻ വിസയുള്ളവർക്ക് ഒരു ദശാബ്ദത്തേക്ക് അത് പുതുക്കാം.
ജോബ് സീക്കർ വീസ
കഴിഞ്ഞ വർഷം ഒക്ടോബറിലാണ് ഇത് നിലവിൽ വന്നത്. ജോലി, നിക്ഷേപം, ബിസിനസ് അവസരങ്ങൾ എന്നിവ കണ്ടെത്തുന്നതിന് സ്പോൺസറുടെയോ ഹോസ്റ്റിന്റെയോ ആവശ്യമില്ലാതെ ആളുകളെ യുഎഇയിലേക്ക് വരാൻ ഈ വിസ സഹായകമാകുന്നു. ലോകത്തിലെ മികച്ച 500 സർവകലാശാലകളിൽ നിന്ന് പുതിയ ബിരുദധാരികൾക്ക് ഈ വിസയ്ക്ക് അപേക്ഷിക്കാം. അപേക്ഷകന്റെ ഏറ്റവും കുറഞ്ഞ വിദ്യാഭ്യാസ നിലവാരം ഒരു ബാച്ചിലേഴ്സ് ബിരുദമോ അതിന് തുല്യമോ ആയിരിക്കണം.
ബിസിനസ് എക്സ്പ്ലറേഷൻ വീസ
ആതിഥേയനോ സ്പോൺസറോ ആവശ്യമില്ലാതെ യുഎഇയിലെ നിക്ഷേപവും ബിസിനസ് അവസരങ്ങളും സ്വായത്താക്കാൻ ആളുകൾക്ക് ഈ വിസ സഹായകമാകുന്നു. ഇതിന് ഒരു നിക്ഷേപം മാത്രമേ ആവശ്യമുള്ളൂ.
മെഡിക്കൽ ട്രീറ്റ്മെന്റ് എൻട്രി വീസ
ലൈസൻസുള്ള യുഎഇ മെഡിക്കൽ സ്ഥാപനത്തിന്റെ സ്പോൺസർഷിപ്പ് വഴി ഇത് ലഭ്യമാണ്. സാക്ഷ്യപ്പെടുത്തിയ മെഡിക്കൽ റിപ്പോർട്ടും സ്പോൺസർ ചെയ്ത സ്ഥാപനത്തിൽ നിന്നുള്ള ഒരു കത്തും ആവശ്യമാണ്. മെഡിക്കൽ ഇൻഷുറൻസ്, നിക്ഷേപം എന്നിവയും ആവശ്യമാണ്.
സ്റ്റഡി വീസ
യുഎഇയിലെ വിദ്യാഭ്യാസ, പരിശീലന അല്ലെങ്കിൽ ഗവേഷണ സ്ഥാപനങ്ങളാണ് ഈ വിസ സ്പോൺസർ ചെയ്യുന്നത്.
മൾട്ടി എൻട്രി ടൂറിസ്റ്റ് വിസ
2021 മാർച്ചിലാണ് മൾട്ടി എൻട്രി ടൂറിസ്റ്റ് വിസ അവതരിപ്പിച്ചത്. വിനോദസഞ്ചാരികൾക്ക് ഒരു കലണ്ടർ വർഷത്തിൽ 90 ദിവസത്തേക്ക് നിരവധി തവണ യുഎഇയിൽ പ്രവേശിക്കുന്നതിനുള്ള അഞ്ച് വർഷത്തെ മൾട്ടി എൻട്രി വിസയാണിത്, ഇത് 90 ദിവസത്തേക്ക് കൂടി നീട്ടാം. മുഴുവൻ താമസ കാലയളവും ഒരു വർഷത്തിൽ 180 ദിവസത്തിൽ കൂടരുത്. മൾട്ടി-എൻട്രി വിസയ്ക്ക് ഒരു സ്പോൺസർ ആവശ്യമില്ല, എന്നാൽ അപേക്ഷിക്കുന്നതിന് ആറ് മാസം മുമ്പ് അപേക്ഷകൻ 4,000 യുഎസ് ഡോളർ ബാങ്ക് ബാലൻസ് തെളിയിക്കണം.
വിസിറ്റ് വിസ
വ്യക്തമായ രേഖകൾ നൽകിയ ശേഷം യുഎഇയിൽ താമസിക്കുന്ന ബന്ധുവിനെയോ സുഹൃത്തിനെയോ സന്ദർശിക്കാൻ ആളുകൾക്ക് അപേക്ഷിക്കാം. സ്പോൺസർ ആവശ്യമില്ല; ഒരു നിക്ഷേപം മാത്രം.
ട്രാൻസിറ്റ് വിസ
യുഎഇ രണ്ട് തരത്തിലുള്ള ട്രാൻസിറ്റ് വിസകൾ നൽകുന്നു: ഒന്ന് 48 മണിക്കൂർ സൗജന്യമാണ്, മറ്റൊന്ന് 50 ദിർഹത്തിന് 96 മണിക്കൂർ. യുഎഇ ആസ്ഥാനമായുള്ള എയർലൈനുകളാണ് ഈ വിസ നൽകുന്നത്, ഇത് നീട്ടാനാകില്ല.
ജിസിസി നിവാസികളുടെ ഇ-വിസ
ജിസിസി രാജ്യങ്ങളിലെ താമസക്കാർക്കും അവരുടെ കുടുംബാംഗങ്ങൾക്കും ഈ വിസ ലഭ്യമാണ്. എത്തിച്ചേരുന്ന തീയതി മുതൽ കുറഞ്ഞത് മൂന്ന് മാസത്തേക്കെങ്കിലും GCC റെസിഡൻസി സാധുതയുള്ളതായിരിക്കണം കൂടാതെ GCC റസിഡന്റിന്റെ പാസ്‌പോർട്ട് കുറഞ്ഞത് മൂന്ന് മാസത്തേക്കെങ്കിലും സാധുതയുള്ളതായിരിക്കണം.
താൽക്കാലിക വർക്ക് മിഷൻ വിസ
പ്രോജക്ടുകളിലോ പ്രൊബേഷണറി കാലയളവുകളിലോ താൽക്കാലിക തൊഴിലാളികൾക്ക് ഇത് മികച്ച ഓപ്ഷനാണ്. ഈ വിസയ്ക്ക് അപേക്ഷിക്കുന്ന വ്യക്തി, സ്പോൺസർ മന്ത്രാലയത്തിന്റെ നിയന്ത്രണങ്ങൾക്ക് കീഴിലാണെങ്കിൽ അല്ലെങ്കിൽ ആ വ്യക്തി വീട്ടുജോലിക്കാരനാണെങ്കിൽ, മാനവ വിഭവശേഷി, എമിറേറ്റൈസേഷൻ മന്ത്രാലയത്തിൽ നിന്നുള്ള താൽക്കാലിക തൊഴിൽ കരാർ, മെഡിക്കൽ ടെസ്റ്റ്, കരാർ എന്നിവ നൽകണം.
ഡിപ്ലോമാറ്റിക് വീസ
നയതന്ത്ര, പ്രത്യേക, യുഎൻ പാസ്‌പോർട്ടുകൾ ഉള്ളവർക്കുള്ളതാണ് ഈ പ്രവേശന പെർമിറ്റ്. രാജ്യത്തിന് പുറത്തുള്ള യുഎഇ എംബസികൾക്കും കോൺസുലേറ്റുകൾക്കും ഇത് നൽകാം.
