കാലാവസ്ഥാ നിയന്ത്രിത സൈക്കിൾ ഹൈവേ പദ്ധതിയുമായി ദുബായ്. ‘ദി ലൂപ്പ്’ എന്നാണ് ഹൈവേയുടെ പേര്. ദൈനംദിന ആവശ്യങ്ങൾക്കും ലക്ഷ്യസ്ഥാനങ്ങളിൽ എത്തുന്നതിനു ഇനി മുതൽ 20 മിനിറ്റ് മാത്രമായി ഒതുക്കുന്നതാണ് പദ്ധതി. സൈകിളിലോ കൽനടയായോ ലക്ഷ്യസ്ഥാനത്തെത്താം. ഇത് കൂടാതെ വ്യത്യസ്തമായ 93 പദ്ധതികളും പ്രഖ്യാപിച്ചിട്ടുണ്ട്. വിഷന് 2040ന് അനുസൃതമായാണ് പദ്ധതി നടപ്പിലാക്കുന്നത്.
ഫ്യൂച്ചറിസ്റ്റിക് ഹൈവേ എന്ന രീതിയിലാണ് പദ്ധതി വിഭാവനം ചെയ്യുന്നത്. ഇതിലൂടെ നടത്തത്തെയും സൈക്ലിംഗിനെയും പ്രാഥമിക ഗതാഗത മാർഗ്ഗമാക്കുകയാണ് ലക്ഷ്യം. ഇതുവഴി കാലാവസ്ഥാ നിയന്ത്രിത അന്തരീക്ഷം സാധ്യമാവുമെന്നാണ് വിദഗ്ദ്ധര് വിലയിരുത്തുന്നത്. 2040-ഓടെ 20 മിനിറ്റ് ദൈർഘ്യമുള്ള ഒരു നഗരമായി ദുബായ് മാറുമെന്നും അധികൃതർ വ്യക്തമാക്കി.
മൂന്ന് ദശലക്ഷത്തിലധികം പ്രദേശവാസികൾക്ക് ഈ പദ്ധതി ഉപകരിക്കുമെന്ന് അധികൃതർ വ്യക്തമാക്കി. കൂടാതെ സൈക്ലിംഗിനും നടത്തത്തിനും വേണ്ടി ലോകത്തിലെ ഏറ്റവും മികച്ച പദ്ധതിയാണ് ദുബായ് ലക്ഷ്യമിടുന്നത്. നിലവിൽ പദ്ധതി ഗവേഷണ-വികസന ഘട്ടത്തിലാണെന്നും അധികൃതര് കൂട്ടിച്ചേർത്തു.