തായ്ലൻഡിലെ ബിസിനസ് പ്രമുഖ ട്രാൻസ്ജെൻഡറുമായ ചക്രപോങ് അന്നെ മിസ് യൂണിവേഴ്സ് ഓർഗനൈസേഷൻ വിലയ്ക്കു വാങ്ങി. 2 കോടി ഡോളറിനാണ് (164 കോടി രൂപ) ചക്രപോങ് അന്നെ മിസ് യൂണിവേഴ്സ് ഓർഗനൈസേഷൻ വാങ്ങിയത്. സൗന്ദര്യ മത്സരമായ മിസ് യൂണിവേഴ്സ് സംഘടിപ്പിക്കുന്ന ഐഎംജി വേൾഡ് വൈഡിൽ നിന്നാണ് ചക്രപോങ് സൗന്ദര്യമത്സരത്തിന്റെ കമ്പനി സ്വന്തമാക്കിയത്.
ജെകെഎൻ ഗ്ലോബൽ ഗ്രൂപ്പിന്റെ ഉടമയും തായ്ലൻഡിലെ അറിയപ്പെടുന്ന സെലിബ്രിറ്റിയുമാണ് ചക്രപോങ്. ട്രാൻസ്ജെൻഡർ സമൂഹത്തിന്റെ മുൻ നിര പ്രവർത്തകയുമാണിവർ. അതേസമയം 2015 മുതൽ മിസ് യൂണിവേഴ്സ് മത്സരങ്ങൾ നടത്തിയിരുന്നത് ഐഎംജി ആയിരുന്നു. 1996 മുതൽ 2015 വരെ മുൻ അമേരിക്കൻ പ്രസിഡന്റ് ഡോണൾഡ് ട്രംപാണ് ഈ സ്ഥാപനം നടത്തിയിരുന്നത്.