ഓസ്കാർ പുരസ്കാരം നേടിയ ഇന്ത്യൻ സിനിമാ ഗാനം നാട്ടു നാട്ടു ഗാനത്തിനൊത്ത് ചുവടുവെക്കുന്ന നിരവധി പേരുടെ വിഡിയോകളാണ് സമൂഹമാധ്യമങ്ങളിൽ വൈറലാവുന്നത്. ഓസ്കാർ നേടിയതിന് പിന്നാലെ രാജ്യത്തിനകത്തും പുറത്തും നാട്ടു നാട്ടു ആവേശം തീർക്കുകയാണ്.
ഇപ്പോഴിതാ അമേരിക്കയിലെ ന്യൂജേഴ്സിയിലുള്ള വാഹനപ്രേമികൾ നാട്ടു നാട്ടു ഗാനത്തിനൊപ്പം ഒരു റോഡ് ഷോ നടത്തിയിരിക്കുകയാണ്. 150ഓളം ടെസ്ല കാറുകളെ അണിനിരത്തിയാണ് ഇവർ വ്യത്യസ്തമായ പ്രകടനം നടത്തിയത്. ടെസ്ല ടോയ് ബോക്സ് എന്ന ഫീച്ചറാണ് ഇവിടെ റോഡ് ഷോയ്ക്കായി ഉപയോഗിച്ചത്. ഇതിലൂടെ കാറുകളിൽ വയ്ക്കുന്ന പാട്ടുകള്ക്കനുസരിച്ച് ലൈറ്റ് ഷോ നടത്താം. പാട്ടിന്റെ ബീറ്റുകള്ക്കനുസരിച്ച് ഹെഡ് ലൈറ്റുകളും ടെയിൽ ലൈറ്റുകളും കത്തുകയും അണയുകയും ചെയ്യും.
Schedule your light show on multiple vehicles simultaneously to create an epic festival of lights! https://t.co/XyhIXTTC0g
— Tesla (@Tesla) March 20, 2023
ആർആർആറിന്റെ ഒഫീഷ്യല് ട്വിറ്റര് പേജിലൂടെയാണ് നാട്ടു നാട്ടു റോഡ് ഷോയുടെ വിഡിയോ ആദ്യം പോസ്റ്റു ചെയ്തത്. വിഡിയോയുടെ ഡിസ്ക്രിപ്ഷനില് ഇലോണ് മസ്കിനേയും ടെസ്ലയേയും ടാഗ് ചെയ്തിട്ടുണ്ട്. അതേസമയം വിഡിയോ ടെസ്ല സിഇഒ ഇലോണ് മസ്കിന്റെ ശ്രദ്ധയും നേടി. വിഡിയോ കണ്ടതിന് ശേഷം ഹൃദയ ചിഹ്നം പങ്കുവെച്ചുകൊണ്ട് മസ്ക് പ്രതികരിച്ചതും വൈറലായിട്ടുണ്ട്. കൂടാതെ ടെസ്ലയുടെ ഔദ്യോഗിക ട്വിറ്റര് പേജിലും വിഡിയോ പങ്കുവെച്ചതോട ടെസ്ലയുടെ നാട്ടു നാട്ടു ഹിറ്റായി.