യുഎഇയിൽ ഇന്ന് കാലാവസ്ഥ സാധാരണ ഗതിയിലായിരിക്കും. അന്തരീക്ഷം ഭാഗികമായി മേഘാവൃതമാവാൻ സാധ്യതയുണ്ട്. തെക്ക് – കിഴക്ക് ഭാഗങ്ങളിലായി സംവഹന മേഘങ്ങൾ രൂപപ്പെടാമെന്ന് നാഷണൽ സെന്റർ ഓഫ് മെറ്റീരിയോളജി അറിയിച്ചു.
രാജ്യത്തെ താപനില 41 ഡിഗ്രി സെൽഷ്യസ് വരെ ഉയർന്നേക്കാം. എന്നിരുന്നാലും അബുദാബിയിലും ദുബായിലും താപനില 27 ഡിഗ്രി സെൽഷ്യസ് വരെ താഴും. അതേസമയം അബുദാബിയിലും ദുബായിലും മെർകുറി 38 ഡിഗ്രി വരെ ഉയരും. ചില തീരപ്രദേശങ്ങളിൽ രാത്രിയും ശനിയാഴ്ച രാവിലെയും 20 മുതൽ 85 ശതമാനം വരെ ഈർപ്പമുള്ളതായിരിക്കും.
നേരിയതോ മിതമായതോ ആയ കാറ്റ് വീശും. ഇത് പകൽ സമയങ്ങളിൽ പൊടി പടലങ്ങൾക്ക് കാരണമായേക്കാം. അറേബ്യൻ ഗൾഫിലും ഒമാൻ കടലിലും സ്ഥിതി നേരിയതായിരിക്കുമെന്ന് നാഷണൽ സെന്റർ ഓഫ് മെറ്റീരിയോളജി അറിയിച്ചു.