ഗസയില് ഇസ്രയേലിന്റെ ആക്രമണം തുടരുകയാണ്. ഗസയില് ഭക്ഷണ വാങ്ങുന്നതിനായി കാത്തുനില്ക്കുകയായിരുന്ന പലസ്തീന് ജനതയ്ക്ക് നേരെയും കഴിഞ്ഞ ദിവസം ഇസ്രയേല് വെടിയുതിര്ത്തു. വെടിവെയ്പ്പില് 112 പേരോളം കൊല്ലപ്പെട്ടതായാണ് പലസ്തീന് ആരോഗ്യമന്ത്രാലയം അറിയിക്കുന്നത്.
ഗസയുടെ പടിഞ്ഞാറന് നബുള്സി റഔണ്ട് എബൗട്ടില് ഭക്ഷണത്തിനായി ട്രക്കുകള്ക്ക് അടുത്തേക്ക് വരുന്നവരെയാണ് ഇസ്രയേല് വെടിവെച്ചത്. അക്രമാസക്തമായതുകൊണ്ട് വെടിവെച്ചുവെന്നാണ് സംഭവത്തില് ഇസ്രയേല് വിശദീകരണം. എന്നാല് ഭക്ഷണം വാങ്ങാനെത്തിയ ജനക്കൂട്ടം ട്രക്കിന് ചുറ്റും തിരക്കുകൂടിയപ്പോള് ഉണ്ടായ ഉന്തിലും തള്ളിലും പെട്ടാണ് അപകടമുണ്ടായതെന്നായിരുന്നു ആദ്യം ഇസ്രയേല് നല്കിയിരുന്ന വിശദീകരണം.
കൂട്ടക്കൊലയെന്നാണ് സംഭവത്തെ പലസ്തീന് വിശേഷിപ്പിച്ചത്. പലസ്തീന് ആരോഗ്യമന്ത്രാലയം ആക്രമണത്തില് അപലപിക്കുകയും ചെയ്തു.