ജോലി ചെയ്യുന്നവർക്ക് ശമ്പളം കൃത്യമായി ലഭിക്കേണ്ടത് അനിവാര്യമാണ്. എന്നാൽ ജോലി രാജി വച്ചതിന് ശേഷവും കൃത്യമായി ശമ്പളം ലഭിക്കുന്ന വിചിത്രമായ ഒരു സംഭവമാണ് ഇപ്പോൾ സോഷ്യൽ മീഡിയയിൽ വൈറലാവുന്നത്. കുവൈറ്റില് വിദ്യാഭ്യാസ മന്ത്രാലയത്തില് നിന്നും രാജിവെച്ചതിന് ശേഷവും കൃത്യമായി ലഭിക്കുന്ന ശമ്പളം സ്കൂള് അദ്ധ്യാപകന് തിരികെ നല്കി മാതൃകയായിരിക്കുകയാണ്.
കുവൈറ്റിലെ ഇസ്ലാമിക അധ്യാപകനായ ഗനേം അൽ ഹുസൈനിയ്ക്കാണ് രാജി വച്ചതിനു ശേഷവും അബദ്ധത്തിൽ പണം ലഭിച്ചുകൊണ്ടിരുന്നത്. എന്നാൽ അത്തരത്തിൽ ലഭിച്ച മുഴുവൻ തുകയും അദ്ദേഹം മന്ത്രാലയത്തെ തിരിച്ചേൽപ്പിച്ചു.
2447 ദിനറാണ് ഗനേം അൽ ഹുസൈനി വിദ്യാഭ്യാസ മന്ത്രാലയത്തിന് തിരികെ നല്കിയത്. കഴിഞ്ഞ വർഷം ഒക്ടോബറിലാണ് അദ്ദേഹം ജോലിയില് നിന്ന് രാജിവച്ചത്. എന്നാൽ തുടര്ന്നുള്ള മാസങ്ങളിലും അക്കൌണ്ടിലേക്ക് കൃത്യമായി ശമ്പളം വരികയായിരുന്നു.