പുതുപ്പള്ളി ഉപതെരഞ്ഞെടുപ്പുമായി ബന്ധപ്പെട്ട തര്ക്കത്തെ തുടര്ന്ന് ഒരാള്ക്ക് വെട്ടേറ്റു. എറണാകുളം കാലടി പൊതിയക്കര സ്വദേശി കുന്നേക്കാടന് ജോണ്സനാണ് വെട്ടേറ്റത്.
സംഭവത്തില് സിപിഎം പൊതിയക്കര ബ്രാഞ്ച് സെക്രട്ടറി കുന്നേക്കാടന് ദേവസിയെ പൊലീസ് കസ്റ്റഡിയിലെടുത്തു. തലയ്ക്ക് പരിക്കേറ്റ ജോണ്സനെ അങ്കമാലിയിലെ സ്വകാര്യ ആശുപത്രിയില് പ്രവേശിപ്പിച്ചു.
മര്ദനമേറ്റ ജോണ്സണ് ലോറി ഡ്രൈവര് ആണ്. കഴിഞ്ഞ ദിവസങ്ങളില് പുതുപ്പള്ളിയിലെ ഭൂരിപക്ഷവുമായി ബന്ധപ്പെട്ട് തര്ക്കം ഉണ്ടായിരുന്നു. ഇതിന്റെ തുടര്ച്ചയായാണ് ആക്രമണമുണ്ടായത്. ബൈക്കിലെത്തിയ മൂന്നംഗ സംഘം തന്നെ ആക്രമിക്കുകയായിരുന്നുവെന്ന് ജോണ്സണ് പറഞ്ഞു. സംഭവത്തില് പൊലീസ് കേസെടുത്ത് അന്വേഷണം ആരംഭിച്ചു.