സിപിഐഎം സംഘടിപ്പിക്കുന്ന പലസ്തീന് ഐക്യദാര്ഢ്യ റാലിയില് പങ്കെടുക്കില്ലെന്ന് വ്യക്തമാക്കി മുസ്ലീം ലീഗ്. പ്രത്യേക യോഗം നടത്താതെയാണ് ലീഗ് തീരുമാനം. ഇതുസംബന്ധിച്ച് തീരുമാനം എടുക്കുന്നതിനായി നേരത്തെ തീരുമാനിച്ച യോഗം ഇനി നടത്തില്ല.
അതേസമയം പലസ്തീന് ഐക്യദാര്ഢ്യം പ്രഖ്യാപിച്ച് കൊണ്ട് ലീഗ് കോഴിക്കോട് പരിപാടി സംഘടിപ്പിച്ചു. അതില് അവരുടെ നയം വ്യക്തമായതുകൊണ്ടാണ് ലീഗിനെ സിപിഐഎം സംഘടിപ്പിക്കുന്ന പരിപാടിയിലേക്ക് ക്ഷണിച്ചതെന്ന് എല്ഡിഎഫ് കണ്വീനര് ഇപി ജയരാജന് പറഞ്ഞു.
സിപിഐഎം പലസ്തീന് ഐക്യദാര്ഢ്യ റാലിയില് സഹകരിക്കുമെന്ന് മുസ്ലീം ലീഗ് ദേശീയ ജനറല് സെക്രട്ടറിയും എം.പിയുമായ ഇടി മുഹമ്മദ് ബഷീര് പറഞ്ഞത് വലിയ ചര്ച്ചയായിരുന്നു. ഇതിന് വിശദീകരണവുമായി പിഎംഎ സലാം അടക്കമുള്ളവര് രംഗത്തെത്തിയിരുന്നു. കൂടിയാലോചിച്ച് തീരുമാനം എടുക്കുമെന്നായിരുന്ന പിഎംഎ സലാം തീരുമാനിച്ചത്.