കോഴിക്കോട്: ബേപ്പൂർ സ്വദേശിയായ പ്രവാസി കുവൈത്തിൽ വച്ച് മരണപ്പെട്ടു. നടുവട്ടം തവളക്കുളം റോഡിലെ ഹംനാസിൽ താമസിക്കുന്ന എം.പി ഹംസത്ത് ആണ് ഇന്നലെ കുവൈത്തിൽ വച്ച് മരണപ്പെട്ടത്. അൻപത് വയസ്സായിരുന്നു. കുവൈത്തിലെ നടപടികൾ പൂർത്തിയാക്കി മൃതദേഹം നാളെ പുലർച്ചയോടെ കരിപ്പൂരിൽ എത്തിക്കുമെന്ന് ബന്ധുക്കൾ അറിയിച്ചു.
പരേതനായ സൈതാലി കുട്ടിയുടെയും പരപ്പിൽ മാലിയം വിട് ഫാത്തിമാബിയുടെയും മകനാണ്. ഷംന (എലത്തൂർ) ആണ് ഭാര്യ. അമാനി, അനീന, അഹദിയ എന്നിവർ മക്കളാണ്. മരുമകൻ: മുഹമ്മദ് സാനിൽ (കൊയിലാണ്ടി). മറ്റു സഹോദരങ്ങൾ: മുസ്തഫ, അബ്ദുൽ സലാം, അബ്ദുൽ ജലീൽ (ദുബൈ), മുഹമ്മദലി (കുവൈറ്റ്), ഹബീബ് റഹ്മാൻ (കുവൈറ്റ്), റംല.
മയ്യത്ത് നമസ്ക്കാരം രാവിലെ 8 മണിക്ക് നടുവട്ടം തവളക്കുളം മഹല്ല് പള്ളിയിലും തുടർന്ന് 9 മണിക്ക് കണ്ണംപറമ്പ് പള്ളിയിലും നടക്കുന്നതാണ്. ഖബറടക്കം കണ്ണംപറമ്പ് ഖബർസ്ഥാനിൽ.