റിയാദ്: സൗദി ടൂറിസം ഔദ്യോഗിക ബ്രാൻഡ് അംബാസിഡറായ ലയണൽ മെസി കുടുംബത്തോടൊപ്പം സൗദിയിലെത്തി. സൗദിയിലെ പ്രകൃതി ഭംഗി വിവരിച്ച് സമൂഹമാധ്യമങ്ങളിൽ കുറിപ്പും പങ്കുവച്ചിരുന്നു. കുടുംബത്തോടൊപ്പം ഈന്തപ്പന തോട്ടത്തിൽ വിശ്രമിക്കുന്ന ചിത്രവും കുട്ടികളോടൊത്ത് മാനുകളെ പരിപാലിക്കുന്ന ചിത്രങ്ങളും അദ്ദേഹം പങ്കുവച്ചു.
കഴിഞ്ഞ വർഷം മെയിലാണ് മെസിയെ സൗദി ടൂറിസം വകുപ്പ് ബ്രാൻഡ് അംബാസിഡറായി പ്രഖ്യാപിച്ചത്. വരും ദിവസങ്ങളിൽ രാജ്യത്തെ കൂടുതൽ വിനോദ സഞ്ചാര കേന്ദ്രങ്ങൾ അദ്ദേഹം സന്ദർശിക്കുമെന്നാണ് പ്രതീക്ഷ. കഴിഞ്ഞ വർഷത്തെ സന്ദർശന വേളയിൽ ജിദ്ദയിലെ പുരാതന സ്ഥലങ്ങൾ മെസി സന്ദർശിച്ചിരുന്നു.
മെസിക്കും കുടുംബത്തിനും ആഥിത്യമരുളുന്നതിൽ സന്തോഷമുണ്ടെന്ന് സൗദി ടൂറിസം ബ്രാൻഡ് അംബാസിഡർ പറഞ്ഞു.സൗദിയിലേക്ക് എത്തുന്നതിന് ദിവസങ്ങൾക്ക് മുൻപ് ഈന്തപ്പന തോട്ടത്തിന്റെ ചിത്രങ്ങൾ അദ്ദേഹം പങ്കുവച്ചിരുന്നു