മരണവീട്ടില്വെച്ചുണ്ടായ രാഷ്ട്രീയ ചര്ച്ചയില് തര്ക്കവും കത്തിക്കുത്തും. തര്ക്കത്തിനിടെ കോണ്ഗ്രസ് പ്രവര്ത്തകന് കുത്തേറ്റു. നെടുങ്കണ്ടം സ്വദേശിയും കോണ്ഗ്രസ് പ്രവര്ത്തകനുമായ ഫ്രിജോ ഫ്രാന്സിസിനാണ് കുത്തേറ്റത്.
സംഭവത്തില് കേരള കോണ്ഗ്രസ് (എം) സംസ്ഥാന കമ്മിറ്റി അംഗവും നെടുങ്കണ്ടം മുന് പഞ്ചായത്ത് അംഗവുമായ ജിന്സണെ പൊലീസ് കസ്റ്റഡിയില് എടുത്തു.
ഇന്നലെ രാത്രി 12 മണിയോടെയാണ് സംഭവം. മരണവീട്ടിലെത്തി ഇറങ്ങുമ്പോഴാണ് ഇരുവരും തമ്മില് വാക്കുതര്ക്കം ഉണ്ടായത്. സ്ഥലത്തെ മലനാട് കാര്ഷിക വികസന ബാങ്ക് തെരഞ്ഞെടുപ്പുമായി ബന്ധപ്പെട്ടാണ് ഇരുവരും തമ്മില് തര്ക്കമുണ്ടായത്. വാക്കുതര്ക്കം കത്തിക്കുത്തിലേക്ക് നീങ്ങുകായിരുന്നു. ജിന്സണ് കയ്യില് കരുതിയിരുന്ന കത്തിയെടുത്ത് ഫ്രിജോയെ കുത്തുകയായിരുന്നു.
വയറിനാണ് ഫ്രിജോയ്ക്ക് കുത്തേറ്റത്. ഗുരുതരമായി പരിക്കേറ്റ ഫ്രിജോയെ നെടുങ്കണ്ടത്തെ സ്വകാര്യ ആശുപത്രിയില് പ്രവേശിപ്പിച്ചു. ഫ്രിജോ അപകടനില തരണം ചെയ്തതായാണ് വിവരം. ഇരുവരെയും പിടിച്ചുമാറ്റാന് ശ്രമിച്ചയാള്ക്കും ചെറിയ പരിക്കുണ്ട്.