ഉഭയകക്ഷി ബന്ധം ശക്തിപ്പെടുത്തുന്നതിന്റെ ഭാഗമായി ഇറാഖും കുവൈറ്റും പരസ്പര സഹകരണം വർദ്ധിപ്പിക്കുന്നു. ഇതിന്റെ ഭാഗമായി ഇറാഖ് പ്രധാനമന്ത്രി മുഹമ്മദ് അൽ സുഡാനിയും കുവൈറ്റ് അംബാസിഡർ താരിഖ് അൽ ഫജാറും കൂടിക്കാഴ്ച്ച നടത്തി. ഇറാഖിന്റെ സുരക്ഷ, പരമാധികാരം, സുസ്ഥിരത എന്നിവയ്ക്ക് കുവൈറ്റിന്റെ പിന്തുണ അറിയിച്ചു.
ഇരു രാജ്യങ്ങൾക്കിടയിലെ സാഹോദര്യം ശക്തിപ്പെടുത്താനുള്ള കുവൈറ്റ് രാഷ്ട്രീയ നേതൃത്വത്തിന്റെ ശ്രമങ്ങളെക്കുറിച്ചും കുവൈറ്റ് അംബാസിഡർ വിശദീകരിച്ചു. അമീർ ഷെയ്ഖ് നവാഫ് അൽ അഹ്മദ് അൽ ജാബിർ അസ്സബാഹ്, കിരീടാവകാശി ഷെയ്ഖ് മിശ്അൽ അൽ അഹമ്മദ് അൽ ജാബിർ അസ്സബാഹ്, എന്നിവരുടെ അഭിനന്ദനവും കുവൈറ്റ് പ്രതിനിധി അൽ സുഡാനിയെ അറിയിച്ചു.