വന്ദേ ഭാരതില് വീണ്ടും പ്രതികരണവുമായി നടന് ഹരീഷ് പേരടി. എക്സ്പ്രസിന്റെ ടിക്കറ്റ് ബുക്കിങ്ങ് ആരംഭിച്ചതിന് പിന്നാലെയാണ് നടന്റെ പ്രതികരണം.
ടിക്കറ്റുകള് തന്നെ ചൂടപ്പമായി മാറിയ സ്ഥിതിയ്ക്ക് ഇനി മറ്റൊരു അപ്പത്തിന് പ്രസക്തിയില്ലെന്നാണ് ഹരീഷ് പേരടി ഫേസ്ബുക്കില് കുറിച്ചത്. സില്വര് ലൈനിനെതിരെ വിമര്ശിക്കുന്നതിനൊപ്പം പ്രധാനമന്ത്രിയെ വന്ദേഭാരത് അനുവദിച്ചതില് പ്രശംസിക്കുകയും ചെയ്യുന്നുണ്ട് ഹരീഷ്.
പരിമിതിക്കുള്ളില് നിന്ന് വേഗതയെ പരിഗണിച്ചതിന് മോദിജിക്ക് ഉമ്മകള് നല്കുന്നുവെന്നും ഹരീഷ് പേരടി പറയുന്നു. എന്നാല് വേഗത ഇത് പോരെന്നും ഇനിയും വേണമെന്നും പോസ്റ്റില് പറയുന്നു.
ഫേസ്ബുക്ക് പോസ്റ്റിന്റെ പൂര്ണരൂപം
ടിക്കറ്റുക്കള് തന്നെ ചൂടപ്പമായി മാറിയ സ്ഥിതിക്ക് ഇനി മറ്റൊരു അപ്പത്തിന് പ്രസ്ക്കതിയില്ല…കേരളത്തിലെ മനുഷ്യരുടെ തലയെണ്ണി ഒരു റെയിലിന്റെ പേരില് ജനിക്കാരിക്കുന്ന കുട്ടികളെപോലും കോടികളുടെ കൊടും കടത്തിലേക്ക് തള്ളി വിടാതെ..ഒരു പാട് പരിമിതിക്കുള്ളില് നിന്ന് ഞങ്ങളുടെ വേഗതയെ പരിഗണിച്ച പ്രിയപ്പെട്ട മോദിജീ…നിറയെ ഉമ്മകള്…എപ്പോഴെങ്കിലും നേരിട്ട് കാണുമ്പോള് അനുവദിക്കുമെങ്കില് ഉമ്മ തരാം…ഞങ്ങള്ക്ക് ഇനിയും സ്പീഡ് വേണം…25 ന് വരുമ്പോള് പുതിയ പദ്ധതികള് പ്രഖ്യാപിക്കുന്നത് കേള്ക്കാനായി കേരളം കാത്തിരിക്കുന്നു…എത്ര കുരുക്കള് പൊട്ടിയൊലിച്ചാലും നല്ലത് ആര് ചെയ്താലും നല്ലത് എന്ന് ഉറക്കെ പറയും…എന്റെ പേര്..ഹരീഷ് പേരടി.