ഫിഫ ലോകകപ്പ് ഖത്തറിൽ നടക്കുന്നത് ഖത്തറിന്റെ നേട്ടവും ഗൾഫിന് അഭിമാനവുമാണെന്ന് യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം പറഞ്ഞു. വിശ്വ കായിക മേള എല്ലാ അറബികൾക്കും ചരിത്രപരമായ നാഴികക്കല്ലാവുമെന്നും അദ്ദേഹം പറഞ്ഞു.
‘ഈ ആഗോള നേട്ടത്തിൽ ഖത്തർ അമീറിനും ഖത്തറിലെ സഹോദരങ്ങൾക്കും അഭിനന്ദനങ്ങൾ. നമ്മുടെ മേഖലയിലെ ഈ പ്രധാന ആഗോള ഇവന്റിന്റെ വിജയത്തെ എല്ലാ രാജ്യങ്ങളും ജനങ്ങളും പിന്തുണയ്ക്കുന്നു. എല്ലാവിധ ആശംസകളും നേരുന്നു.’ ഷെയ്ഖ് മുഹമ്മദ് ബിൻ റാഷിദ് ട്വിറ്ററിൽ കുറിച്ചു