ചാൾസ് രാജാവിനും പത്നി കാമിലയ്ക്കും നേരെ മുട്ടയേറ്. യോർക്ക് നഗരത്തിൽ എലിസബത്ത് രാജ്ഞിയുടെ പ്രതിമ അനാവരണം ചെയ്യാനെത്തിഎപ്പോഴായിരുന്നു സംഭവം. നഗര ഭരണാധികാരികൾ രാജാവിന് ഔദ്യോഗിക വരവേൽപു നൽകുമ്പോൾ ജനക്കൂട്ടത്തിൽ നിന്ന് ഒരാൾ 3 മുട്ടകൾ എറിഞ്ഞു. എന്നാൽ ഒന്നും തന്നെ ചാൾസ് രാജാവിന്റെയും പത്നിയുടെയും ദേഹത്തു കൊണ്ടില്ല.
അടിമകളുടെ ചോരയ്ക്കു മുകളിലാണ് ബ്രിട്ടൻ കെട്ടിപ്പടുത്തതെന്ന് അക്രമി ഉറക്കെ പറയുന്നുണ്ടായിരുന്നു. അതേസമയം മുട്ടയെറിഞ്ഞു പ്രതിഷേധിച്ചയാളെ പൊലീസ് അറസ്റ്റ് ചെയ്തതായി റിപ്പോർട്ടുകൾ പുറത്ത് വന്നു. 23 വയസുള്ള യുവാവാണ് അറസ്റ്റിലായത്.
