സര്വ് ബാങ്ക് ഓഫ് ഇന്ത്യ നിര്ദേശ പ്രകാരം ഇന്നു മുതല് 2000 ത്തിന്റെ നോട്ടുകള് മാറ്റിയെടുക്കാന് സാധിക്കും. സെപ്തംബര് 30 വരെയാണ് നോട്ടുകള് മാറ്റിയെടുക്കാനുള്ള സമയം. 2000 നോട്ടുകള് ബാങ്കില് നിക്ഷേപമായും ഇടാന് സാധിക്കും.
ആര്ബിഐ എല്ലാ ബാങ്കുകള്ക്കും നല്കിയ സര്ക്കുലറില് പറയുന്നത്, പൊതുജനങ്ങള്ക്ക് യാതൊരു ബുദ്ധിമുട്ടും വരുത്താത്ത തരത്തിലായിരിക്കണം പണം മാറ്റിനല്കുകയോ നിക്ഷേപിക്കുകയോ ചെയ്യേണ്ടതെന്നാണ്.
ആര്ബിഐ നിര്ദേശ പ്രകാരം പണം മാറാന് ഏത് ബാങ്കിനെയും സമീപിക്കാം.
സെപ്തംബര് 30 വരെ ആര്.ബി.ഐയുടെ 19 റീജിയണല് ഓഫീസുകളിലും പണം മാറ്റിയെടുക്കാം.
ഏത് ബാങ്കുകളിലും 2000 മുതല് 20,000 രൂപ വരെ ഒരേസമയം മാറ്റാന് സാധിക്കും. പ്രസ്തുത ബാങ്കില് അക്കൗണ്ട് ഹോള്ഡര് അല്ലാത്ത വ്യക്തിക്കും 2000 മുതല് 20,000 വരെ ഒരേസമയം മാറ്റിയെടുക്കാന് സാധിക്കും.
ആര്ബിഐയുടെ നിര്ദേശ പ്രകാരം വ്യക്തികള്ക്ക് കെവൈസി (KYC) മാനദണ്ഡങ്ങളും മറ്റു നിയമപരമായ ആവശ്യകതകളും അനുസരിച്ച് നിബന്ധനകളില്ലാതെ തന്നെ പണം നിക്ഷേപിക്കാനും സാധിക്കും.
പണം എക്സ്ചേഞ്ച് ചെയ്യുന്നതിന് യാതൊരു അധിക ചാര്ജും ഈടാക്കുന്നില്ല.
2000 രൂപ മുതല് 20,000 രൂപവരെ ഒരേസമയം മാറ്റിയെടുക്കുന്നതിന് തിരിച്ചറിയല് രേഖകള് ഹാജരാക്കുകയോ ഫോമുകള് പൂരിപ്പിച്ച് നല്കുകയോ ചെയ്യേണ്ടതില്ല. എന്നാല് 20,000 രൂപയ്ക്ക് മുകളില് പണം മാറ്റിയെടുക്കേണ്ടതുണ്ടെങ്കില് ഫോം പൂരിപ്പിക്കേണ്ടതായി വരും.
മുതിര്ന്ന പൗരന്മാര്ക്കോ ഡിസേബ്ള്ഡ് ആയ വ്യക്തികള്ക്കോ യാതൊരു ബുദ്ധിമുട്ടും നേരിടാത്ത വിധത്തില് പണം മാറ്റിയെടുക്കാനുള്ള നടപടികള് ബാങ്കുകള് കൈക്കൊള്ളണമെന്നും ആര്ബിഐ പറഞ്ഞു.
സ്ഥലത്തില്ലാവരോ പ്രവാസികളോ ആയ ആളുകള്ക്ക് സെപ്തംബര് 30ന് മുമ്പ് 2000ത്തിന്റെ നോട്ട് ബാങ്കുകളില് അടയ്ക്കാന് കഴിഞ്ഞില്ലെങ്കിലും പേടിക്കേണ്ടതില്ല. അവരെ സഹായിക്കാനുള്ള ആശ്വാസ നടപടികള് സ്വീകരിക്കുമെന്ന് ആര്ബിഐ ഗവര്ണര് പറഞ്ഞു.
2000 രൂപ നോട്ട് മാറ്റിയെടുക്കാനോ നിക്ഷേപിക്കാനോ ഏതെങ്കിലും ബാങ്ക് വിസമ്മതിച്ചാല് നിയമപ്രകാരം അവര്ക്കതെിരെ പരാതി നല്കാനും സാധിക്കും.