മാസപ്പടി വിവാദത്തില്‍ നോട്ടീസ് അയക്കാനുള്ള ഹൈക്കോടതി നിര്‍ദേശത്തില്‍ പ്രതികരണവുമായി മുഖ്യമന്ത്രി പിണറായി വിജയന്‍. നിങ്ങളല്ലല്ലോ, ഞാനല്ലേ വേവലാതിപ്പെടേണ്ടത്. ഹൈക്കോടതി നോട്ടീസ് വരട്ടെ അപ്പോള്‍ നോക്കാമെന്നാണ് മുഖ്യമന്ത്രിയുടെ പ്രതികരണം. എറണാകുളം ജില്ലയില്‍ നടക്കുന്ന നവകേരള സദസ്സിനിടെയാണ് മുഖ്യമന്ത്രിയുടെ പ്രതികരണം.
കേസില്‍ വിജിലന്‍സ് അന്വേഷണം ആവശ്യപ്പെട്ടുള്ള ഹര്‍ജിയിലാണ് മുഖ്യമന്ത്രിക്കും മകള്‍ വീണ വിജയനുമടക്കമുള്ള രാഷ്ട്രീയ നേതാക്കള്‍ക്കെതിരെ നോട്ടീസ് അയക്കണമെന്ന ഹൈക്കോടതി നിര്‍ദേശിച്ചത്.
കരിമണല്‍ കമ്പനിയില്‍ നിന്നും മുഖ്യമന്ത്രി പിണറായി വിജയനും മകള്‍ വീണ വിജയനും, രമേശ് ചെന്നിത്തലയും കുഞ്ഞാലിക്കുട്ടിയുമടക്കമുള്ള രാഷ്ട്രീയ നേതാക്കള്‍ പണം വാങ്ങിയതില്‍ വിജിലന്‍സ് അന്വേഷണം ആവശ്യപ്പെട്ടുള്ള ഹര്‍ജിയിലാണ് ഹൈക്കോടതിയുടെ നീക്കം.
