വേൾഡ് എയർലൈൻ അവാർഡ് 2022 ന്റെ മികച്ച ഇൻഡിപെൻഡന്റ് എയർപോർട്ട് ലോഞ്ചുകളുടെ പട്ടികയിൽ മസ്കറ്റ് ഇന്റർനാഷണൽ എയർപോർട്ടും. എയർപോർട്ടിലെ പ്രൈംക്ലാസ്സ് രണ്ടാം സ്ഥാനത്താണുള്ളത്.
ലോകത്തിലെ മികച്ച എയർലൈനായി തിരഞ്ഞെടുത്തത് ഖത്തർ എയർവേയ്സിനെയാണ്. തുടർച്ചയായ ഏഴാം തവണയാണ് ഖത്തർ ഈ നേട്ടം കൈവരിക്കുന്നത്. അതേസമയം ഫസ്റ്റ് ക്ലാസ്സ്, ബിസിനസ് ക്ലാസ്സ് സേവനങ്ങളുടെ പട്ടികയിൽ ഒമാനും ഇടം പിടിച്ചിട്ടുണ്ട്.
ഏവിയേഷൻ വ്യവസായത്തിന്റെ ഓസ്കാറുകൾ എന്നാണ് വേൾഡ് എയർലൈൻ അവാർഡുകളെ വിശേഷിപ്പിക്കുക. 1999 മുതൽക്കാണ് ഏവിയേഷൻ അവാർഡുകൾ നൽകി തുടങ്ങിയത്. ഇത്തവണത്തെ അവാർഡ് ദാന ചടങ്ങുകൾ ലണ്ടനിലെ ചരിത്ര പ്രസിദ്ധമായ ലാംങ്ഹാം ഹോട്ടലിൽ വച്ചായിരിക്കും നടക്കുക.
എന്നാൽ കഴിഞ്ഞ രണ്ട് വർഷക്കാലമായി കോവിഡ് മൂലം അവാർഡ് ദാനചടങ്ങുകൾ ഓൺലൈൻ വഴിയായിരുന്നു നിർവഹിച്ചിരുന്നത്. ഈ വർഷം എല്ലാ പ്രൗഢിയോടും കൂടി ചടങ്ങുകൾ നടത്താനാണ് തീരുമാനമെന്ന് ഔദ്യോഗിക വൃത്തങ്ങൾ അറിയിച്ചു.