ദുബായിൽ നിന്ന് കണ്ണൂരിലേക്കും ഷാർജയിൽനിന്ന് വിജയവാഡയിലേക്കും പുതിയ സർവീസ് തുടങ്ങാനൊരുങ്ങി എയർ ഇന്ത്യ എക്സ്പ്രസ് . നവംബർ 1 മുതൽ തുടക്കമാകുന്ന ദുബായ്–കണ്ണൂർ–ദുബായ് സർവീസ് മലയാളികൾക്ക് എയർ ഇന്ത്യ എക്സ്പ്രസിൻ്റെ കേരളപ്പിറവി സമ്മാനമാണ്. ആഴ്ചയിൽ 4 സർവീസ് ആയിരിക്കും ഉണ്ടായിരിക്കുക. ടിക്കറ്റ് നിരക്ക് 300 ദിർഹമാണ്. ഉദ്ഘാടനത്തിൻ്റെ ഭാഗമായി കണ്ണൂരിലേക്ക് 5 കിലോ അധിക ബാഗേജ് അനുവദിക്കുമെന്നും അറിയിപ്പുണ്ട്.
കണ്ണൂരിലേക്ക് ആഴ്ചയിൽ 4 സർവീസ്
ചൊവ്വ, വ്യാഴം, ശനി, ഞായർ ദിവസങ്ങളിൽ ദുബായിൽ നിന്ന് വൈകിട്ട് 6.40ന് പുറപ്പെട്ട് രാത്രി 11.40ന് കണ്ണൂരിലെത്തും.
ദുബായിലേക്ക്
തിങ്കൾ, ബുധൻ, വെള്ളി, ഞായർ ദിവസങ്ങളിൽ കണ്ണൂരിൽനിന്ന് പുലർച്ചെ 12.50ന് പുറപ്പെട്ട് 3.15ന് ദുബായിൽ എത്തും.
ഷാർജ–വിജയവാഡ സർവീസ്
ഷാർജ–വിജയവാഡ നേരിട്ടുള്ള സർവീസ് ഈ മാസം 31 മുതൽ തുടങ്ങും. തിങ്കൾ, ശനി ദിവസങ്ങളിൽ രാവിലെ 11ന് ഷാർജയിൽ നിന്ന് പുറപ്പെട്ട് വൈകിട്ട് 4.25ന് വിജയവാഡയിൽ എത്തും. തിരികെ 2.35ന് പുറപ്പെട്ട് രാത്രി 9.30ന് ഷാർജയിൽ എത്തും. ടിക്കറ്റ് നിരക്ക് 399 ദിർഹമാണ്.
