കൊച്ചി: റാപ്പർ വേടൻ്റെ ഫ്ലാറ്റിൽ നിന്നും കഞ്ചാവ് പിടികൂടി. തൃപ്പൂണിത്തുറ ഹിൽ പാലസ് പൊലീസ് സ്റ്റേഷനിലെ ഉദ്യോഗസ്ഥരാണ് വേടൻ്റെ ഫ്ലാറ്റ് റെയ്ഡ് ചെയ്ത് കഞ്ചാവ് പിടികൂടിയത്.
സംഭവസമയം വേടനെ കൂടാതെ ഒൻപത് പേർ കൂടി ഫ്ലാറ്റിൽ ഉണ്ടായിരുന്നു. ഇവരെയെല്ലാം പൊലീസ് കസ്റ്റഡിയിൽ എടുത്തിട്ടുണ്ട്. അഞ്ച് ഗ്രാം കഞ്ചാവാണ് പൊലീസ് ഫ്ലാറ്റിൽ നിന്നും പിടികൂടിയത്. ഇന്നലെ രാത്രിയാണ് വേടനും സംഘവും ഫ്ലാറ്റിൽ എത്തിയത് എന്നാണ് ഫ്ലാറ്റിലെ സുരക്ഷാ ജീവനക്കാരൻ പറയുന്നത്.
തൃശൂർ സ്വദേശിയായ വേടൻ്റെ യഥാർത്ഥ പേര് ഹിരൺദാസ് മുരളി എന്നാണ്. 2020- ൽ പുറത്തിറങ്ങിയ voice of voiceless എന്ന ആൽബത്തിലൂടെയാണ് വേടൻ ശ്രദ്ധേയനാവുന്നത്. 2024 ൽ പുറത്തിറങ്ങിയ മഞ്ഞുമ്മൽ ബോയ്സ് എന്ന ചിത്രത്തിലെ കുതന്ത്രം എന്ന പാട്ടിലൂടെ വലിയ തരംഗമാണ് വേടനുണ്ടാക്കിയത്.
ഇന്നലെയാണ് സംവിധായകരായ ഖാലിദ് റഹ്മാനെയും അഷ്റഫ് ഹംസയേയും ഹൈബ്രിഡ് കഞ്ചാവുമായി എക്സൈസ് പിടികൂടിയത്
