തിരുവനന്തപുരം: കിഫ്ബി ഫണ്ട് ഉപയോഗിച്ച് നിർമ്മിച്ച റോഡുകളിൽ ടോൾ പിരിക്കാനുള്ള സംസ്ഥാന സർക്കാർ നീക്കത്തിനെതിരെ ആഞ്ഞടിച്ച് കെ.മുരളീധരൻ. കിഫ്ബി ടോൾ ബൂത്തുകൾ തുടങ്ങിയാൽ അടിച്ചു പൊളിക്കുമെന്ന് അദ്ദേഹം പറഞ്ഞു. ഇത്ര കാലം നടത്തിയത് വെജിറ്റേറിയൽ സമരം ആണേൽ ഇനി നോൺ വെജിറ്റേറിയൻ സമരം ആയിരിക്കുമെന്ന് അദ്ദേഹം പറഞ്ഞു.
കിഫ്ബി ഫണ്ടിൽ നിർമ്മിക്കുന്ന റോഡുകളിൽ ജനങ്ങളെ കൊള്ളയടിക്കുന്ന ടോള്‍ പിരിവ് തുടങ്ങാനാണ് നീക്കമെങ്കിൽ ശക്തമായ പ്രക്ഷോഭവുമായി കോണ്‍ഗ്രസ് കേരളത്തിലെ തെരുവുകളിലേക്ക് ഇറങ്ങുമെന്ന് കെപിസിസി പ്രസിഡന്റ് കെ.സുധാകരന്‍ കഴിഞ്ഞ ദിവസം മുന്നറിയിപ്പ് നല്‍കിയിരുന്നു
അതേസമയം വിവാദങ്ങൾ തുടരുമ്പോഴും ടോൾ പിരിക്കാനുള്ള നീക്കവുമായി ഇടത് മുന്നണിയും സർക്കാരും മുന്നോട്ട് പോകുകയാണ്. ടോൾ പിരിവിന് ഇടത് മുന്നണി തത്വത്തിൽ അംഗീകാരം നൽകിയെന്ന് എൽഡിഎഫ് കൺവീനർ ടി.പി രാമകൃഷ്ണൻ പറഞ്ഞു. ഇതേ സമയം മുന്നണി യോഗത്തിൽ ഇതേക്കുറിച്ച് പരാമർശിച്ചതല്ലാതെ ചർച്ച നടന്നിട്ടില്ലെന്നാണ് ഇടതുമുന്നണിയിലെ ഘടകകക്ഷികൾ പറയുന്നത്. ടോൾ പിരിവിനായി പ്രത്യേക നിയമനിർമ്മാണം നടത്താനുള്ള കരട് ധനവകുപ്പ് തയ്യാറാക്കുന്നുവെന്നാണ് സൂചന. ടോൾ പിരിവ് സംബന്ധിച്ച് കേരള ബജറ്റിലും പരാമർശം ഒന്നുമുണ്ടായിരുന്നില്ല.
