നെന്മാറയില് കടം പറഞ്ഞ് എടുത്ത ഭാഗ്യക്കുറിക്ക് ഒന്നാം സമ്മാനം. ഒരു കോടി രൂപയാണ് മീന് വില്പ്പനക്കാരനായ അയിലൂര് തിരുവഴിയാട് ചിറ്റപ്പുറം വീട്ടില് എസ് മജീദിന് ലഭിച്ചത്. കേരള ലോട്ടറിയുടെ ഫിഫ്റ്റി ഫിഫ്റ്റി നറുക്കെടുപ്പിലാണ് സമ്മാനം ലഭിച്ചത്.
ബുധനാഴ്ചയാണ് ലോട്ടറി വില്പ്പന നടത്തുന്ന കരിങ്കുളത്തെ ആര് ചെന്താമരയില് നിന്ന് മജീദ് ടിക്കറ്റെടുത്തത്. പത്ത് രൂപ നല്കി ബാക്കി 240 രൂപ മീന് വില്പ്പന കഴിഞ്ഞു വരുമ്പോള് നല്കാമെന്ന് കടവും പറഞ്ഞു. 50 രൂപ വിലയുള്ള ഒരേ നമ്പറുകളിലുള്ള അഞ്ച് ടിക്കറ്റുകള് ആണ് വാങ്ങിയത്. വില്പ്പന കഴിഞ്ഞ് വരുമ്പോള് ബാക്കി തുക നല്കുകയും ചെയ്തു.
എഫ്.എക്സ് 492775 എന്ന നമ്പറിലുള്ള ടിക്കറ്റിന് ഒന്നാം സമ്മാനവും ഇതോടൊപ്പം എടുത്ത അതേ നമ്പറിലുള്ള മറ്റു ടിക്കറ്റുകള്ക്ക് 8000 രൂപ സമാശ്വാസവും ലഭിക്കും. നെന്മാറയിലെ ലോട്ടറി ഏജന്സിയില് നിന്നാണ് ചെന്താമര ലോട്ടറി എടുത്ത് വില്പ്പന നടത്തുന്നത്. ലോട്ടറി ഏജന്സി വിൡച്ച് അറിയിച്ചപ്പോഴാണ് ടിക്കറ്റിന് ഒന്നാം സമ്മാനം ലഭിച്ച വിവരം ചെന്താമരയും മജീദും അറിയുന്നത്.
സമ്മാനത്തുകയുടെ പത്ത് ശതമാനം വില്പ്പനക്കാരനും ലഭിക്കും.
20 വര്ഷമായി ലോട്ടറിയെടുക്കുന്നുണ്ട്. ആദ്യമായാണ് വലിയ തുക ലോട്ടറിയടിക്കുന്നത്. നേരത്തെ ചെറിയ തുകകള് ഒക്കെ ലഭിച്ചിട്ടുണ്ട്. ടിക്കറ്റ് വെള്ളിയാഴ്ച ബാങ്കില് ഏല്പ്പിക്കുമെന്ന് മജീദ് പറഞ്ഞു.
ലൈലയാണ് മജീദിന്റെ ഭാര്യ. ജെസീന, റിയാസ്, ജംസീന എന്നിവര് മക്കളാണ്.