വിഷുപ്പുലരിയിൽ ഗുരുവായൂരപ്പന് മുന്നിൽ പുതിയ നടപ്പുരയുടെ ശിലാസ്ഥാപനം ഭക്തരുടെ സാന്നിധ്യത്തിൽ നടന്നു. കിഴക്കേ നടയിൽ സത്രം ഗേറ്റ് മുതൽ അപ്സര ജംഗ്ഷൻ വരെയാണ് പുതുതായി നിർമിക്കുന്ന നടപ്പുരയുടെ നീളം. ഇപ്പോഴുള്ള നടപ്പുരയുടെ തുടർച്ചായായാണ് പുതിയ നടപ്പുരയുടെ നിർമാണം.
ഗുരുവായൂരപ്പന് കാണിക്കയായി ലഭിച്ച ഥാർ വൻ തുകയ്ക്ക് ലേലത്തിൽ സ്വന്തമാക്കിയ പ്രവാസി വ്യവസായിയും വെൽത്ത് ഐ ഗ്രൂപ്പ് ഓഫ് കമ്പനീസ് ഉടമയുമായ വിഘ്നേഷ് വിജയകുമാറാണ് നടപ്പുര വഴിപാടി സമർപ്പിക്കുന്നത്. ഗുരുപവനപുരേശം ഗ്രുപ്പ് മെമ്പറും, മലപ്പുറം അങ്ങാടിപ്പുറം സ്വദേശിയുമാണ് വിഘ്നേഷ് വിജയകുമാർ.
വിഷു ദിനത്തിൽ രാവിലെ 9 മണിയോട് കൂടിയാണ് ശിലാസ്ഥാപനകർമം നടന്നത്. ഏകദേശം 70 ലക്ഷം രൂപയാണ് നിർമാണ ചിലവായി കണക്കാക്കുന്നത്.