കൊച്ചി: യുവതി ബോംബ് ഭീഷണി കൊച്ചി അന്താരാഷ്ട്ര വിമാനത്താവളത്തിൽ നിന്നുള്ള വിമാനം പുറപ്പെടാൻ വൈകി. കൊച്ചിയിൽ നിന്നും മുംബൈയിലേക്കുള്ള വിമാനമാണ് വൈകിയത്. ഇൻഡിഗോ വിമാനത്തില്‍ മുംബൈക്കു പോകാനെത്തിയ തൃശൂര്‍ സ്വദേശിനിയാണ് സുരക്ഷാ പരിശോധനക്കിടെ ബാഗേജില്‍ ബോംബുണ്ടെന്ന് പറഞ്ഞത്.
ഇതിനെ തുടര്‍ന്ന് സുരക്ഷാ പരിശോധനയുടെ ഭാഗമായി വിമാനത്തില്‍ വീണ്ടും പരിശോധ നടത്തുകയായിരുന്നു. സംഭവത്തില്‍ യുവതിയെ നെടുമ്പാശ്ശേരി പൊലീസിന് കൈമാറി. യുവതിയെ കൂടുതല്‍ ചോദ്യം ചെയ്യും. സാധാരണ ഇത്തരം സംഭവങ്ങളിൽ യാത്രാവിലക്ക് അടക്കം ക‍‌ർശന നടപടികളാണ് ഉണ്ടാവാറുള്ളത്.
