വിസ് എയർ അബുദാബി തുർക്കിയിലേക്കും അങ്കാറയിലേക്കും പുതിയ സർവീസുകൾ ആരംഭിക്കുന്നു. യു എ ഇ യുടെ ഏറ്റവും കുറഞ്ഞ നിരക്കീടാക്കുന്ന ദേശീയ വിമാനകമ്പനിയാണ് വിസ് എയർ അബുദാബി. നിലവിൽ അബുദാബിയിൽ നിന്നും അഞ്ചു മണിക്കൂർ സമയപരിധിക്കുള്ളിലുള്ള 36 സ്ഥലങ്ങളിലേക്കാണ് വിസ് എയർ അബുദാബി സർവീസ് നടത്തുന്നത്.
അങ്കാറയിലേക്കുള്ള സർവീസ് 2023 ജനുവരി 19 നാണ് ആരംഭിക്കുക. ചൊവ്വ, വ്യാഴം, ശനി ദിവസങ്ങളിലായാണ് സർവീസ്. ടിക്കറ്റുകൾ Wizzair.com എന്ന വെബ്സൈറ്റിലും എയർലൈനിന്റെ മൊബൈൽ ആപ്പിലും ലഭ്യമാണ്. 149 ദിർഹമാണ് ടിക്കറ്റ് നിരക്ക്.
കൂടാതെ പുറപ്പെടുന്നതിന് മൂന്ന് മണിക്കൂർ മുൻപ് വരെ ടിക്കറ്റ് ബുക്ക് ചെയ്യാനുള്ള സൗകര്യവും ഉണ്ട്. ഇതിന് അധിക ഫീസ് നൽകേണ്ടതില്ല. ഫ്ലൈറ്റ് റദ്ദാക്കിയാൽ നിരക്കിന്റെ 100 ശതമാനവും ഉടൻ തന്നെ തിരികെ നൽകുകയും ചെയ്യുമെന്ന് വിസ് എയർ ഉറപ്പ് നൽകുന്നു. അതേസമയം യു എ ഇ യിലെ യാത്രക്കാർക്കും വിനോദ സഞ്ചാരികൾക്കും തടസമില്ലാത്ത, താങ്ങാനാവുന്ന യാത്രയാണ് പുതിയ സർവീസുകളിലൂടെ ലക്ഷ്യമിടുന്നതെന്ന് ഔദ്യോഗിക വൃത്തങ്ങൾ അറിയിച്ചു.