വിജയ് ഹസാരെ ട്രോഫി ക്രിക്കറ്റിൽ ഗോവക്കെതിരെ കേരളത്തിന് ജയം. ബാംഗ്ലൂര് ചിന്നസ്വാമി സ്റ്റേഡിയത്തിൽ നടന്ന മത്സരത്തിൽ ഗോവയെ അഞ്ച് വിക്കറ്റിനാണ് കേരളം തോൽപ്പിച്ചത്. കേരളത്തിന്റെ രണ്ടാം വിജയമാണ് ഇത്. കഴിഞ്ഞ കളിയിൽ അരുണാചലിനെ കേരളം തോൽപ്പിച്ചിരുന്നു.
242 റൺസ് വിജയലക്ഷ്യവുമായി ക്രീസിലിറങ്ങിയ കേരളം 38.1 ഓവറിൽ അഞ്ച് വിക്കറ്റ് നഷ്ടത്തിൽ ലക്ഷ്യം കണ്ടു. രോഹന് കുന്നുമ്മലിന്റെ സെഞ്ച്വറിയാണ് കേരളത്തിന് മികച്ച സ്കോർ സമ്മാനിച്ചത്. സച്ചിൻ ബേബി പുറത്താകാതെ 51 റൺസും വത്സൽ ഗോവിന്ദ് 22 റൺസും പൊന്നൻ രാഹുൽ 14 റൺസുമെടുത്തു. അഖിൽ സ്കറിയ ഗോവയുടെ മൂന്നു വിക്കറ്റ് വീഴ്ത്തി നെടുമൻകുഴി ബാസിൽ രണ്ട് വിക്കറ്റും കെ എം ആസിഫ്, വിനൂപ് മനോഹരൻ എന്നിവർ ഓരോ വിക്കറ്റ് വീതവും വീഴ്ത്തി.