യുഎഇയിലെ കാലാവസ്ഥ സാധാരണഗതിയിലായിരിക്കും. ചിലപ്പോൾ ഭാഗികമായി മേഘങ്ങൾ രൂപപ്പെടാൻ സാധ്യതയുണ്ട്. ഉച്ചയോടുകൂടി കിഴക്ക് ഭാഗത്തായി സംവഹന മേഖങ്ങൾ രൂപപ്പെടാമെന്ന് നാഷണൽ സെന്റർ ഓഫ് മെറ്റീരിയോളജി അറിയിച്ചു.
അബുദാബിയിലും ദുബായിലും യഥാക്രമം 42 ഡിഗ്രി സെൽഷ്യസ് 40 ഡിഗ്രി സെൽഷ്യസ് എന്നിങ്ങനെ താപനില ഉയരും. അതേസമയം ചില തീരപ്രദേശങ്ങൾ ഈർപ്പമുള്ളതായിരിക്കും. പകൽ സമയങ്ങളിൽ വീശുന്ന നേരിയ കാറ്റ് പൊടിപടലങ്ങൾക്ക് കാരണമാവും. അറേബ്യൻ ഗൾഫിലും ഒമാൻ കടലിലും സ്ഥിതി നേരിയ തോതിലായിരിക്കുമെന്നും നാഷണൽ സെന്റർ ഓഫ് മെറ്റീരിയോളജി അറിയിച്ചു.
