യുഎഇയിലെ ഇന്നത്തെ കാലാവസ്ഥ സാധാരണഗതിയിലായിരിക്കുമെന്ന് നാഷണൽ സെന്റർ ഓഫ് മെറ്റീരിയോളജി അറിയിച്ചു. രാത്രിയും വെള്ളിയാഴ്ച്ച പകലും ഈർപ്പമുള്ളതായിരിക്കും.
അബുദാബിയിലും ദുബൈയിലും യഥാക്രമം 42 ഡിഗ്രി സെൽഷ്യസ്, 43 ഡിഗ്രി സെൽഷ്യസ് എന്നിങ്ങനെയായിരിക്കും താപനില. അതേ സമയം പകൽ സമയങ്ങളിൽ വീശുന്ന നേരിയ കാറ്റ് പൊടി പടലങ്ങൾ സൃഷ്ടിക്കാനും സാധ്യതയുണ്ടെന്ന് വിലയിരുത്തുന്നു.
തീരപ്രദേശങ്ങളിൽ മൂടൽ മഞ്ഞ് രൂപപ്പെടാനുള്ള സാധ്യതയുണ്ട്. അറേബ്യൻ ഗൾഫിലും ഒമാൻ കടലിലും നേരിയ തോതിലുള്ള തിരമാലകൾ ആയിരിക്കും ഉണ്ടാവുക എന്ന് നാഷണൽ സെന്റർ ഓഫ് മെറ്റീരിയോളജി അറിയിച്ചു.
